Alakar duniyarmu da ta lahira
Ingancin rayuwa bayan rayuwar duniya na daya daga cikin tambayoyin dan Adam; Yaya rayuwar duniya ta mutum bayan mutuwa take, kuma shin rayuwar nan za ta iya samun alaƙa da duniyar ruhi? Ko kuwa kowannensu yana da alaka ne da wani wuri dabam?
Imam Ali (AS) ya siffanta duniya a matsayin rayuwa ta wucin gadi, kuma lahira a matsayin rayuwa ta har abada a yanayi daban-daban.
Alamun duniya na bankwana da mutum a fili suke. Makabartu, shiru a cikin bari, al’ummomin da suka gabata ko kuma mutanen da suke mutuwa a kusa da mu dalili ne shaida kan wannan bankwana. Duniya kamar ta yi shiru, amma tana magana da mu ta hanyoyi daban-daban.
“Misalinku, ya isa ku ga matattu da idanunku, waɗanda ba bisa son rai aka kai su kaburbura aka sanya su a cikinsu ba, ba tare da sun iya ko sun yi niyyar tafiya a ranar ba. Amma gas hi lokaci guda Kamar dai ba su taba kasancewa a duniya ba kuma gidansu na har abada shi ne Lahira (Nahj al-Balaghah / Huduba 188).
Imam Ali (AS) yana gargadin cewa ko ba dade ko bajima ka shirya ka yi bankwana da duniya, ka tanadi abin da ya dace don wannan tafiya mai hatsarin gaske zuwa wata duniya ta daban, kafin ka rasa damar da za ka samu hakan.
Duk da cewa duniyar ba ta da kima sosai a wajen Imam Ali (AS), amma idan abin duniya ya zama hanyar samun nasara a Lahira, yana da matukar kima , domin da sakaci yana haifar da nadama.
