IQNA

15:43 - May 27, 2022
Lambar Labari: 3487348
Tehran (IQNA) Babban Mufti na Jamhuriyar Tatarstan, Sheikh Kamel Samiullah, ya ba da kyautar kur'ani mai girma da ba kasafai ake samunsa ba, ga majalisar kur'ani a birnin Sharjah ta kasar Hadaddiyar Daular Larabawa.

Kamfanin dillancin labaran iqna ya habarta cewa, shafin yada labarai na alkhaleej.ae ya bayar da rahoton cewa, shugaban majalisar kur'ani mai tsarki na Sharjah Shirzad Abdul Rahman Tahir ya ce: "Wannan sigar kur'ani da ba kasafai ake samunsa ba, na daya daga cikin tsoffin kur’nai da aka rubuta da salon rubutu na musamman.

Ya kara da cewa: "Wannan tsohon juzu'in kur'ani ana kiransa "Kazan Basma", wanda ya shahara a Jamhuriyar Tatarstan.

Shirzad Abdul Rahman Tahir ya ce: Wannan kur'ani sakamakon kokarin malaman Tatar ne a tsawon tarihi kuma an bambanta shi da kyakkyawan rubutun Kazani mai suna "Basma".

Shugaban majalisar kur'ani mai tsarki ta Sharjah ya ci gaba da cewa: A lokacin ne aka buga kwafi biyu na wannan kur'ani, na farko na manya ne, kuma an buga shi mujalladi biyu manya-manya, amma na biyu kuma an buga shi mujalladi 10  ƙaramin bugu domin yara ƙanana.

A karshe ya ce: "Wannan kwafin kur'ani mai tsarki da ba kasafai ake samunsa ba, wata cibiyar buga littattafai ta Asiya ce ta buga shi a wancan lokacin."

4059903

 

 

Abubuwan Da Ya Shafa: Babban Mufti ، ، ،
Suna:
Adireshin Email:
* Ra'ayinka:
* captcha: