IQNA

An canja labulen Ka'aba a farkon sabuwar shekara

13:59 - July 30, 2022
Lambar Labari: 3487610
Tehran (IQNA) An canza labulen dakin Allah a Makkah a karon farko a farkon sabuwar shekara ta Hijira a daren jiya 1 ga watan Muharram a kasar Saudiyya daidai 30  ga watan Yuli.

Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na Rasha Al-Yum cewa, an sauya labulen Baitullahi Al-Haram da ke birnin Makkah a daidai lokacin da jama’ar da ke cike da sha’awar zuwa dakin Allah.

 Wannan shi ne karon farko da ake canja labulen dakin Ka'aba a daidai lokacin da aka shiga sabuwar shekara ta Hijira.

Ana canza labulen dakin Ka'aba duk shekara a lokutan aikin Hajji da kuma safiyar ranar Arafah a ranar 9 ga watan Zul-Hijja a gaban manyan jami'an Saudiyya, amma a bana, a daidai lokacin da aka fara aikin Hajjin bana 1443, Saudiyya ta sanar da cewa za a gudanar da bikin canza labulen dakin Ka'aba ne a safiyar ranar Arafah maimakon ranar Arafah, an dage farkon watan Muharram 1444 da farkon sabuwar shekara ta Hijira.

Tsayin wannan labule yana da mita 14 kuma an yi shi da murabba'i 16. A cikin faifan da ke kewaye da shi, an rubuta ayoyin Alqur’ani dabam-dabam a cikin wani fili, kuma an rubuta kalmomin “Ya Hai Ya Qayyum” da “Ya Rahman Ya Rahim” da “Alhamdulillah Ubangijin talikai” a cikin sa na musamman.

 

 
 

 

Abubuwan Da Ya Shafa: canja ، labule ، rubuta kalmomi ، kewaye ، sabuwar shekara ta Hijira
Suna:
Adireshin Email:
* Ra'ayinka:
captcha