IQNA

Majalisar Dinkin Duniya: Taliban ce ke da alhakin tsaron masu zaman makokin Ashura

16:39 - August 06, 2022
Lambar Labari: 3487646
Tehran (IQNA) Wakilin Majalisar Dinkin Duniya na musamman kan al'amuran kare hakkin bil'adama a Afghanistan ya bayyana mummunan fashewar bam a jiya a yammacin birnin Kabul a matsayin abin ban tsoro tare da bayyana jami'an Taliban a matsayin masu alhakin kare rayukan 'yan kasar.

A cewar kamfanin dillancin labaran  kasar Afganistan, Richard Bennett, wakilin Majalisar Dinkin Duniya na musamman kan harkokin kare hakkin bil'adama, ya bayyana fashewar wani abu da ya faru a ranar 5 ga watan Agusta a birnin Kabul a matsayin wani mummunan lamari,  ya kuma ce harin da kungiyar ISIS ta dauki alhakinsa.

Ya jaddada cewa kungiyar Taliban ce ke da alhakin kare rayukan 'yan kasar Afganistan kuma dole ne a gurfanar da wadanda suka aikata wannan laifi a gaban kuliya.

Jiya da yamma an kai wani kazamin fashewar wani abu a gundumar Sarkariz da ke yanki na 6 na birnin Kabul.

A cikin wannan fashewar, akalla mutane 8 ne suka yi shahada kuma an ambaci adadin wadanda suka jikkata zuwa 42.

Wasu majiyoyi da ba na hukuma ba sun yi kiyasin hasarar wannan fashewar ya zarce haka.

Khalid Zadran, kakakin rundunar tsaro ta Taliban a birnin Kabul, ya ce bama-baman da aka sanya a cikin wata babbar mota sun auna wasu fararen hula. Kungiyar ISIS ta dauki alhakin wannan fashewar.

Fashewar jiya ta faru ne yayin da 'yan Taliban ke daukar matakan tsaro domin tabbatar da tsaron taron watan Muharram.

 

4076297

 

 

Suna:
Adireshin Email:
* Ra'ayinka:
captcha