Alqur'ani da hasumiyoyi ; Mafi kyawun hotuna na gasar daukar hoto a Masar

Tehran (IQNA) Hotunan Makaranci dan Masar Mustafa Al-Sharbji da na Mahaifiyarsa tana karatun kur'ani a na Masallacin Sultan Hassan da Masallacin Al-Rifai da ke birnin Alkahira an zabo su a matsayin mafi kyawun hotuna na gasar "Gado  A Hoto".

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Misrawi cewa, wani mai daukar hoto na kasar Masar Mustafa Al-Sharbji ya lashe kambun farko a gasar "Gadar Hotona" inda ya gabatar da hotunan mahaifiyarsa a lokacin da take karatun kur'ani a kallon minartocin masallacin Sultan Hassan da Al-Rifai. Masallacin Alkahira.

Ma'aikatar Al'adu ta Masar ce ta shirya wannan gasa a madadin hukumar kula da birane ta kasa da kuma kungiyar ilimi da kimiya da al'adu ta duniya (ISECO) domin murnar Alkahira a matsayin hedkwatar al'adun kasashen musulmi.

  Hotunan da aka zabo a wannan gasa da Al-Sharbji ya dauka, sun nuna mahaifiyarsa a kallon masallacin Sultan Hassan da Al-Rifai, tana karatun kur’ani. Ya dauki wadannan hotunan ne a lokacin da aka bukaci mutane su zauna a gida gwargwadon yadda ya kamata saboda yaduwar cutar Corona.

Wannan mai daukar hoto na Masar ya ɗauki rubuta dangantakar mutane da wurare da abubuwan tunawa a matsayin makasudin daukar hotonsa. Hotunan nasa sun lashe gasa da dama na kasa da kasa a Iraki, Oman da sauran kasashe.

4127827