Saudiyya ta karbi bakuncin iyalan shahidan Falasdinawa, fursunoni da wadanda suka jikkata

Hukumomin kasar Saudiyya da ke bayyana fatan ganin an gudanar da ibadar Hajjin bana cikin aminci da ban mamaki, sun sanar da umarnin sarkin kasar na karbar bakuncin mutane 1,000 daga iyalan shahidai Palasdinawa da fursunoni da 'yan gudun hijira.

Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na Al-Quds al-Arabi cewa, Abdulrahman Al-Sudis shugaban kula da wuraren ibada guda biyu na kasar Saudiyya ya bayyana fatan ganin an gudanar da bikin na musamman da gata da kuma aminci na aikin hajjin bana a gobe Asabar.

A watan Fabrairun da ya gabata, Ministan Hajji na Saudiyya Tawfiq al-Rabi'ah, ya bayyana cewa kasarsa na sa ran karbar maniyyata fiye da miliyan biyu a lokacin aikin Hajjin shekarar 2023.

Bayanai sun ce adadin maniyyatan bara ya kai dubu 899 da 353, daga cikinsu mahajjata dubu 779 da 919 sun fito ne daga wajen kasar Saudiyya. Yayin da mutane 60 ne kawai daga cikin Saudi Arabiya suka halarci aikin Hajjin 2021, an gudanar da wannan bikin tare da tsauraran matakan kiwon lafiya saboda yaduwar cutar Corona.

A gefe guda kuma, a bana, Saudiyya ta karbi bakuncin wasu iyalan shahidan Falasdinawa, fursunoni da wadanda suka jikkata.

Sarkin Saudiyya Salman bin Abdulaziz ya bayar da umarnin karbar mahajjata dubu da iyalan shahidan Falasdinawa da fursunoni da wadanda suka jikkata.

Sheikh Abdul Latif bin Abdulaziz Al-Sheikh, ministan harkokin addinin musulunci, da'awah da shiriya na kasar Saudiyya a cikin wata sanarwa da ya fitar yau ya tabbatar da cewa al'ummar Palastinu na da kulawar mai kula da masallatai biyu masu alfarma da kuma Yarima mai jiran gado. Wannan shi ne abin da masarautar Saudiyya take yi tun bayan kafuwarta

4146875