Masar da Qatar sun mayar da martani ga matakin haramtacciyar da Yahudawan Sahayoniyya suka dauka a Masallacin Al-Aqsa
A cewar gidan yanar gizon labarai na Al-Ghad, Qatar da Masar sun fitar da sanarwa daban-daban, inda suka kira matakin da Yahudawan Sahayoniyya suka dauka a harabar Masallacin Al-Aqsa a matsayin keta dokokin kasa da kasa da kuma tayar da hankali ga ra'ayoyin musulmi.
A cikin wata sanarwa da Ma'aikatar Harkokin Wajen Qatar ta fitar, an yi Allah wadai da mamaye Masallacin Al-Aqsa da kuma daga tutar Isra'ila a farfajiyar wannan masallaci mai tsarki.
Ma'aikatar Harkokin Wajen Qatar ta kuma kira wannan matakin a matsayin keta dokokin kasa da kasa da kuma tayar da hankalin musulmi a duniya, sannan ta jaddada kin amincewa da kokarin da ake yi na gurgunta matsayin addini da tarihi na Masallacin Al-Aqsa da kuma bukatar al'ummar duniya su bi dokokin da suka rataya a wuyansu game da Kudus da wuraren ibada, da kuma fuskantar karya dokoki da gwamnatin Sahayoniyya ta yi.
Sanarwar ta jaddada matsayin da ƙasar Qatar ta ɗauka game da adalcin al'ummar Falasɗinu da kuma haƙƙin da ya dace na 'yan uwan Falasɗinu, gami da cikakken 'yancinsu na gudanar da ayyukan ibadarsu ba tare da wani sharaɗi ba da kuma kafa ƙasarsu mai zaman kanta a cikin iyakokin shekarar 1967, tare da Gabashin Kudus a matsayin babban birninta.
4347991
