Pandaigdigang paligsahan ng Qur’an nagpapahusay ng nagpapahusay ng pagkakaisa ng mundo ng islam

Ang pagpapasimuno ng Iran na itipon ang mga mag-aaral na Muslim ng buong mundo sa isang lugar upang dumalo sa mga paligsahan ng Qur’an ay malaking tulong upang pagkaisahin ang mga Islamikong komunidad, ayon sa Pangunahing Pinuno ng Pamantasan ng Jihad.

Ang ganitong paligsahan ay nagbibigay din ng katangi-tanging pagkakataon para mapakilala ng bansang Iran ang kanyang tunay na mukha sa mundo bilang pangunahing simbolo ng mga aktibidades na nauukol sa Qur’an, ayon kay Mohammad H. Yadegari, sa kanyang pakikipagusap sa IQNA.

“Palagay ko, ang pagdadaos ng ganitong klaseng paligsahan ay magbibigay daan upang maitaguyod ang pagkakaroon ng bukas na pagpapalitan ng kuro-kuro ang mga tao mula sa iba’t ibang bansa,” at paragdag niya, “na magbibigay ng magandang bunga.”

Sa ibang dako ng kanyang interbyu, ipinahiwatig ni Yadegari na ang kalaban ay lubusan nang gumamit ng iba’t ibang paraan upang ipalabas na ang mga mamamayan ng Islamikong Republika ng Iran ay mga “extremists.” “Ang mga Pandaigdigang Paligsahan ng Qur’an na itinatag ng bansa ay makakatulong na pabulaanan ang mga nagkakasabwatan,” kanyang binigyang diin.

Ang Pangatlong Pandaigdigang Paligsahan ng Qur’an ng mga Mag-aaral na Muslim ay nakatakdang ganapin sa banal na lungsod ng Mashhad, Iran, sa Enero 19-22, 2011. Ang unang paligsahan, kung saan ang mga kinatawan ng 28 na bansa ay dumalo, ay ginanap sa Isfahan apat na taon na ang makalipas. Ang pangalawang paligsahan, na dinaluhan ng mga kinatawan ng 40 na bansa, ay ipinaghandaan ng ulong-bayan ng Iran, Tehran. Ang paligsahang ito, na idinadaos ng Islamikong Republika ng Iran, ay nakalaang ganapin tuwing makalawang taon.


699670