Ang Ehiptiyano na Qari na si Sheikh Hissan at ang Pamana ng Pagbigkas na Nagpapatuloy
Noong Sabado, ginunita ng Ehiptiyano na kagawaran ng Awqaf ang anibersaryo ng pagpanaw ni Sheikh Muhammad Abdulaziz Hissan, isa sa dakilang mga personalidad ng pagbigkas ng Quran sa Ehipto at sa mundo ng Islam.
Ipinanganak siya noong Agosto 22, 1928, sa nayon ng Farstaq sa lungsod ng Kfar Al-Zayat, sa Lalawigan Gharbia ng Ehipto, at namatay noong Mayo 2, 2003.
Nag-iwan si Sheikh Hissan ng isang dakilang pamana sa Quran sa pamamagitan ng kanyang mapagkumbabang mga pagbigkas at kilalang estilo ng boses.
Lumaki siya sa isang kapaligirang Quraniko at naisaulo ang Quran noong siya ay bata pa. Nawala ang kanyang paningin sa batang edad; isang pangyayaring nag-udyok sa kanya na ituon ang sarili sa pagmememorya ng Quran nang may ganap na kapanatagan ng isip.
Naisaulo ni Muhammad Abdul Aziz Hissan ang Quran sa maikling panahon bago pa siya magpitong taong gulang, at natutunan niya ang pitong paraan ng mga pagbigkas ng Quran.
Naisaulo rin niya ang Shatibiyyah (isang aklat tungkol sa pagbigkas at Tajweed) sa loob ng dalawang mga taon, kaya’t agad siyang naging dalubhasa sa mga tuntunin ng Tajweed at pagbigkas.
Nakabenepisyo siya sa presensiya ng maraming mga iskolar at agad na nahayag ang kanyang talento sa Sawt (boses), kaya’t binigyan siya ng mga mahilig sa Quran ng iba’t ibang mga titulo, kabilang ang “Qari Faqih” (ang marunong na tagapagbigkas) at “Qari Nasr” (ang tagapagbigkas ng tagumpay).
Ang qari na ito ay dalubhasa sa Waqf at Ibtida, pati sa boses at tono, at ang kanyang mga pagbigkas ay tumpak sa paghahatid at pagpapaliwanag ng mga kahulugan ng Quran sa isang kahanga-hanga at natatanging paraan.
Noong 1964, matapos pumasa sa pagsusulit ng Komite ng mga Qari, sumali siya sa Radyo Ehiptiyano, kung saan ang kanyang boses ay naging kilalang tinig sa mga pagbigkas sa radyo, lalo na sa mga pagbigkas tuwing umaga at sa mga panalangin tuwing Biyernes, at malawak itong tinangkilik sa loob at labas ng Ehipto.
Nakibahagi si Sheikh Hissan sa muling pagpapasigla ng Quranikong mga pagtitipon sa loob at labas ng Ehipto, lalo na sa mga bansa sa Gulpong Persiano, at tumanggap ng maraming mga parangal at mhga liham ng pagkilala, kabilang ang liham ng papuri mula kay Sheikh Zayed bin Sultan Al Nahyan.
Ang yumaong tagapagbigkas na ito ay may natatanging estilo sa boses at tono, at nag-iwan ng daan-daang naitalang mga pagbigkas na hanggang ngayon ay pinapakinggan pa rin ng mga interesado, bilang patunay ng kanyang mataas na talento sa pagbigkas ng Quran.
Isang araw, sinabi ni Sheikh Mahmoud Khalil Al-Husari, isa pang kilalang Ehiptiyano na tagapagbigkas, kay Hissan: “O Sheikh Muhammad! May dakilang kinabukasan ka dahil sa iyong kababaang-loob at lakas ng paglalarawan sa pagbigkas ng Quran, ako’y iyong naaantig mula sa kalooban, at ang iyong boses ay tuwirang tumatama sa puso.”
Naging tagapagbigkas si Sheikh Hissan sa Moske ng Ahmadi sa Tanta noong 1980, sa utos ni Anwar Sadat, ang noo’y pangulo ng Ehipto, at siya lamang ang nag-iisang tagapagbigkas sa kasaysayan ng radyo at telebisyong Ehiptiyano sino nagbigkas ng Quran tuwing umaga at Biyernes sa dalawang magkaibang lungsod noong 1985.
Binigyang-diin ng Kagawaran ng Awqaf ng Ehipto, sa paggunita sa anibersaryo ng pagpanaw ng Ehiptiyano na tagapagbigkas na ito, na ang araw na ito ay ginugunita upang mapanatili ang landas ng buhay ng isa sa mga personalidad ng pagbigkas na naglingkod sa Aklat ng Diyos sa pamamagitan ng pagtuturo, pagbigkas, at mabuting asal.
“Hiniling namin sa Diyos na Makapangyarihan sa lahat na pagkalooban siya ng dakilang awa at isama ang kanyang mga nagawa sa kanyang mabubuting gawa,” ayon sa pahayag.
Noong gabi ng araw ng pagpanaw ni Sheikh Hissan, namatay rin ang kanyang asawa at sabay silang pumanaw sa parehong araw.
Nag-iwan siya ng isang dakilang pamana na higit sa 10,000 na mga oras ng pagbigkas ng Quran para sa Radyo Ehiptiyano.
