Kalupunan ng mga Islamiko at Kristyano Nagbabala sa Tangka ng Israel na Wasakin ang Moske ng Al-Aqsa

Nagbabala ang Kalupunan ng mga Islamiko at Kristyano na sumusuporta sa Jerusalem at sa mga banal na pook na ang pagwasak ng dakong timog ng Moske ng Al-Aqsa at ng malawak nitong patyo ang naging estratehikong layunin ng Israeling pananakop sa yugtong ito.

Sinabi ng Pangkalahatang Kalihim ng Kalupunan na si Dr. Hasan Khater sa isang mahalagang balita noong Lunes na ang mga kapangyarihan sa mapanakop na Israel ay naghahanda na ng pagkilos na walang salita ukol sa inaasahang pagguho dahilan sa mga paghuhukay sa ilalim nito.

Itinala ni Dr. Khater na ang pagguho ng Moske ng Al-Aqsa ay inaasahan sa anumang oras.

“Kami, sa Kalupunan ng mga Islamiko at Kristyano na sumusuporta sa Jerusalem, ay nagpapatibay na may karapatan ang bayan ng mga Muslim sa mundo na siguraduhin ang kaligtasan ng ng Moske ng Al-Aqsa, na isa sa mga pinakabanal nilang lugar at bahagi ng kanilang pananampalataya; kung kaya’t hinihingi namin sa Organisasyon ng Islamikong Kapulungan at sa Kapisanan ng mga Arabo na magbuo ng isang mataas na antas ng delegasyon ng mga inhinyero at mga eksperto na bibisita sa Moske ng Al-Aqsa at pag-aralang maigi ang kalagayan ng mga gusali nito,” binigyang diin ng opisyal na Palestino.
708293