Pagpupulong Tungkol sa “Qur’an at Ahlul Bayt” Idinaos sa Lucknow

Isang serye ng pagpupulong tungkol sa “Qur’an at Ahlul Bayt (a.s.) ang idinaos sa Lucknow, ang kabisera ng Uttar Pradesh na kilala bilang sentro ng Shi’ism at ehemplo ng kulturang Shia sa India.

Ang mga pagpupulong ay itinatag ng Sentro ng Mortazaviah, na naglalayong maipalaganap ang kultura at kahalagahan ng Islam sa komunidad ng mga Muslim sa India.

Ang limang araw na pagpupulong ay isinagawa noong ika-26 ng Disyembre hanggang sa ika-30 sa Moske ng Mortezavi sa Rekabganj.

“Ang paghanap ng panganlungan sa Banal na Qur’an at sa Ahlul Bayt (a.s.) ay gumagarantya ng kaligtasan para sa tao dito sa lupa pati na sa Langit,” sinabi ni Hojat-ol-Islam Mohammad Abedi na dumalo sa ika-apat na sesyon ng pagpupulong.

Tinukoy ang Hadith Thaqalain, na kinikilala ng mga dalubhasang Sunni at Shia, inulit niya ang sinabi ng Banal na Propeta ng Islam (ang kapayapaan ng Panginoon ay mapasakanya): “Inihahabilin ko sa inyo ang dalawang napakahalagang bagay. Kung kayo ay kakapit dito, hinding-hindi kayo maliligaw. Ang isa dito ay mas matimbang sa isa. Ang isa nito ay ang Banal na Aklat ng Panginoon na siyang kawing ng mundong ito at ng Langit. Ang pangalawa ay ang aking pamilya, ang aking Ahlul Bayt. Ang dalawang pagtitiwalang ito ay hindi hihiwalay sa isa’t isa hanggang sa Araw ng Paghukom.”



721530