Ipinagkaitan ni Gaddafi ng Isang Makakapagpapaisang Pigura ang Lebanon

Isa sa pinakamalaki at pinakawalang-kapatawarang pagkakamali ni Gaddafi ay ang paghugot kay Imam Musa Sadr mula sa Islamikong lipunan ng Lebanon, kung saan inagawan niya ang mga mamamayan ng Lebanon ng isang pigurang magpapabuo sa kanila, ayon sa isang iskolar ng pamantasan na taga-Iran.

Idinagdag pa ni Seyyed Yahya Yasrebi, isang retiridong guro sa unibersidad at tagasulat ng “Tafsir-e Ruz” Quran Exegesis, na si Imam Musa Sadr ay isa sa mga pinaka-prominenteng pigura sa mundo ng Islam at isang dalubhasang palaisip na maaaring magpalakas sa pagkakaisa ng mga Muslim at papagsamahin ang lahat ng mga ito (kung hindi siya dinukot ni Gaddafi 32 taon nang makalipas).

Tinukoy niya ang mga gawain ni Imam Musa Sadr na naglalayon sa pagtataguyod ng Islamikong kalapitan at sinabing, “Maaari nating patibayin ang isa sa dalawang daan hinggil sa pagkakaiba ng mga Muslim. Maaari nating gawing dahilan ang mga pagkakaibang ito upang magkaroon ng labanan at di-pagkakaunawaan, o gamitin ang mga pagkakaibang ito na pagsilbihan ang bawat isa. Ang tamang bagay na gawin ay kilalanin na ang mga tagasunod ng dalawang malaking sekta ng Islam (Shia at Sunni) ay parehong mga Muslim. Kung kayat, sakaling matamo ng sangkatauhan ang kabuthihan, kalayaan at dignidad sa pamamagitan ng mga gawa ng mga Shiang Muslim, makikinabang din ang mga Sunni, at bisebersa. Si Imam Musa Sadr ay mayroong ganung pag-iisip, na, ayon sa kanyang paniniwala, para matamo ng Islamikong mundo ang kaunlaran at isantabi ang kaguluhan, kinakailangang magkaisa ang lahat ng mga Muslim.”

Si Imam Musa Sadr at dalawa pa niyang kasamahan ay nawala nang sila ay magbiyahe sa Libya noong Agosto ng taong 1978. Naniniwala ang karamihan at batay sa pandaigdigang imbestigasyon, si Gaddafi ang nag-utos sa pagdukot at pagpatay sa kanila ngunit di alam ang pag-uudyok dito.



756570