Namigay ng Libreng Matamis ang Ehiptiyanong Pastor sa Milad-un-Nabi
Sinabi ni Yuanis Adib, isang pastor ng Kristiyanong Koptiko, na hinahangad niyang isulong ang pagkakaisa at pagkakaibigan sa pagitan ng mga Kristiyano at mga Muslim ng bansa, iniulat ng website ng Ad-Dustur.
Namigay siya ng mga matatamis sa mga tao, lalo na ang mga manggagawa sa konstruksyon at mga taong tagapagwalis sa lungsod ng Hurghada sa Lalawigan ng Pulang Dagat ng Ehipto.
Sinabi niya na ang kaarawan ni Propeta Muhammad (SKNK) ay isang magandang okasyon at pagkakataon para sa mga Kristiyanong Ehiptiyano na lumahok sa pagdiriwang ng kanilang mga kapatid na Muslim.
"Kung paanong ang mga Muslim ay nakikibahagi sa mga pagdiriwang ng Kristiyang Koptiko, kami, ang mga Kristiyano ay dumadalo sa mga pagdiriwang Islamiko upang ihatid ang mensahe ng pagkakaibigan at kapatiran," sabi niya.
Ang mga tao ng Ehipto, parehong Kristiyano at Muslim, ay masigasig na pahusayin ang pagkakaibigan at mga ugnayang magkakapatid sa mga okasyon na panrelihiyon, dagdag ni Adib.
Sa panahon ng banal na buwan ng Ramadan sa unang bahagi ng taong ito, ang parehong pastor ay pinuri sa pagtulong sa pamamahagi ng mga pagkain sa Iftar sa mga nangangailangan.
Ang Ehipto ay isang bansa sa Hilagang Aprika na may populasyon na humigit-kumulang 104 milyon. Mga 90 porsiyento ng mga tao sa bansa ay Muslim.
Ang Ehiptiyano na mga Kopt ay ang pinakamalaking pamayanang Kristiyano sa mundo ng Arabo. Ang mga pagtatantya ng kanilang mga bilang ay nag-iiba, ngunit sa pangkalahatan ay nasa pagitan ng 4.7 at 7.1 milyon.
