Iskolar, Binibigyang-Diin ang Pangangailangan ng Pagbabalik sa Quran at sa Lipi ng Propeta
Isinulat ito ni Hojat-ol-Islam Jafar Fakhr Azar, isang mananaliksik sa kasaysayan ng Shia Islam, sa isang artikulong ibinigay sa IQNA kaugnay ng huling mga araw ng buwan ng Safar at ng anibersaryo ng pagpanaw ni Propeta Muhammad (SKNK).
Ganito ang kanyang artikulo: Ang pagkamatay ng Propeta (SKNK) ay isang mahalagang punto ng pagbabago sa kasaysayan ng Islam, na may parehong emosyonal, pampulitika, at panlipunang mga larangan. Ang masusing pagsusuri sa pangyayaring ito at pagmumuni-muni sa moral, makatao, at makatarungang pagkatao ng Propeta (SKNK) ay maaaring magsilbing gabay para sa mga Muslim ngayon.
Ang pagbabalik sa mga prinsipyong itinaguyod ng Propeta (SKNK), kabilang ang pagkakaisa, katarungang panlipunan, at pagbibigay-pansin sa mga karapatan ng tao, ay maaaring magdala sa mga lipunang Islamiko tungo sa kaunlaran at pagkakaisa.
Ayon sa mapagkakatiwalaang mga sangguniang pangkasaysayan kagaya ng Sirah ni Ibn Hisham at Tabaqat al-Kubra, unti-unting nawala si Propeta Muhammad (SKNK) ang kanyang kakayahang makihalubilo sa mga tao noong buwan ng Safar, ika-11 taon matapos ang Hijra, habang lumalala ang kanyang karamdaman.
Gayunpaman, higit sa lahat na namukod-tangi sa mga araw na iyon ay ang
kanyang natatanging kagandahang-asal.
Kahit sa panahon ng kanyang karamdaman, tinrato ng Propeta (SKNK) ang kanyang mga kamag-anak at mga kaibigan nang may kabaitan at pagpapakumbaba, at hindi niya kailanman pinabayaan ang mga pangangailangan ng Ummah kahit sandali.
Kapansin-pansin na ang dakilang Propeta ng Islam ay hindi tinalikuran ang kanyang pananagutan sa pamumuno ng lipunan hanggang sa kanyang mga huling sandali. Kahit sa panahon ng karamdaman, nagbigay siya ng mahahalagang utos kaugnay ng hukbo ni Osama at ilang gawaing pamahalaan, na alin nagpapakita ng kanyang malalim na pagtatalaga sa katarungang panlipunan at sa pagtatanggol ng mga karapatan ng mga tao.
Laging binibigyang-diin ng Propeta (SKNK) ang pagkakapantay-pantay at ang pag-aalis ng diskriminasyon, at sa mga panahong ito, nagbigay din siya ng natatanging huwaran ng demokrasya sa pamamagitan ng kanyang rekomendasyon na panatilihin ang dangal ng iba’t ibang mga pangkat ng lipunan, kabilang ang mahihina at mga mahihirap.
Ang mga huling araw ng buhay ng Propeta (SKNK) ay napuno ng marurunong na mga pangaral at payo. Sa mga kritikal na sandaling ito, hindi lamang siya nagbigay-pansin sa mga usaping pampamahalaan, kundi nagtanim din siya ng binhi ng pagkakaisa at malasakit sa lipunan sa pamamagitan ng pagbibigay-diin sa pagkakaisa ng mga Muslim at paggalang sa karapatan ng isa’t isa.
Ang kanyang mga habilin tungkol sa Ahl-ul-Bayt (AS), sa Banal na Quran, at sa pagpapanatili ng pagkakaisa ng bansa ay nagpapakita ng lalim ng kanyang pananaw para sa paglikha ng isang nagkakaisa at makatarungang lipunan. Naantig niya ang puso ng mga tao sa pamamagitan ng kanyang mapagbigay na ugali at pagbibigay-pansin sa materyal at espirituwal na pangangailangan ng bayan.
Sa umaga ng Safar 28, nang ipahayag ang balita ng pagpanaw ng Propeta (SKNK), ang pamayanan ng Medina ay labis na nabigla. Ang ilang mga kasamahan ay hindi agad nakapaniwala sa balitang ito, na nagpapakita ng lalim ng emosyonal na ugnayan ng mga tao sa Propeta (SKNK) at bunga ng kanyang mga taong pamumuno at walang hanggang pagmamahal sa bansa.
Ang bigat ng trahedya ng pagpanaw ng Banal na Propeta (SKNK) para sa kanyang pamilya ay ganoon na lamang na kinailangan ni Hazrat Ali (AS) na alalayan si Hazrat Zahra (SA) sa mahihirap na mga araw na iyon, bukod pa sa pag-aasikaso ng mga usapin sa paglilibing.
Gayunpaman, ang asal ni Hazrat Ali (AS) sa mga sandaling iyon, na alin nagpatuloy sa landas ng Propeta (SKNK) ng pagtitiyaga, pagpapasensiya, at pagpapanatili ng pagkakaisa, ay nagpakita ng malalim na impluwensiya ng mga aral moral ng Propeta (SKNK) sa kanyang malalapit na mga kasama.
Ang pangyayari sa Saqifa Bani Sa’idah, na alin naganap kaagad pagkatapos ng pagpanaw ng Propeta (SKNK), ay nagpapakita ng lalim ng krisis sa pamumuno. Nabuo ang pagtitipon na ito habang hindi pa naihahatid sa libingan ang katawan ng Banal na Propeta (SKNK). Ang pangyayaring ito ang naging simula ng malalaking hamon na lumitaw sa pagkawala ng Propeta (SKNK) dahil sa paglihis mula sa mga prinsipyong nakabatay sa katarungang panlipunan at pagkakaisa.
Ipinapakita ng paghahambing sa mga sanggunian ng iba’t ibang mga sekta na ang pagsakop sa Fadak at ilan pang mga pangyayari ay naganap kaagad matapos ang kanyang pagkamatay, na alin nangangailangan ng muling pagsusuri sa kasaysayan.
Ipinapakita ng mga pangyayaring ito na may mga lumayo sa makatarungang katangian ng Propeta (SKNK), na laging binibigyang-diin ang paggalang sa karapatan ng lahat ng tao, kabilang ang kababaihan at ang mga naaapi.
Nagbigay ang Propeta (SKNK) ng isang praktikal na huwaran ng makatarungang lipunan sa kanyang panahon sa pamamagitan ng pagtatag ng katarungan sa pamamahagi ng mga yaman at pag-aalis ng pang-aapi.
Ngayon, dapat tayong matuto ng mahahalagang mga aral mula sa makasaysayang pangyayaring ito. Una, mahalagang mapanatili ang pagkakaisang Islamiko batay sa huling habilin ng Propeta (SKNK).
Paulit-ulit niyang binigyang-diin ang malasakit at ang pag-iwas sa pagkakawatak-watak, at ang habilin na ito ay maaaring maging susi sa paglutas ng mga pagkakaiba sa mundong Islamiko ngayon. Pangalawa, dapat nating tularan ang kanyang halimbawa sa pamamahala ng krisis. Ang Propeta (SKNK) ay kumilos nang may karunungan, pagtitiyaga, at moralidad sa pagharap sa mga problema, at ang pamamaraang ito ang pinakamainam na huwaran para sa mga lipunan ngayon.
Isa pang mahalagang punto ay ang pangangailangang bumalik sa Quran at sa lipi ng Propeta, na kanyang ipinakilala bilang dalawang mga haligi. Ang dalawang ito ang mga hiyas na makapagliligtas sa bansang Islamiko mula sa bangin ng pagkakawatak. Gayundin, ang halimbawa ng Propeta (SKNK) ng pagbibigay-pansin sa mga karapatan ng tao, kabilang ang mahihina, kababaihan, at mahihirap, ay dapat maging pangunahing batayan sa paggawa ng mga patakarang panlipunan.
Sa pamamagitan ng paglikha ng isang makatarungan at mapagmalasakit na kapaligiran, ipinakita ng Banal na Propeta (SKNK) na ang katarungang panlipunan at pagkakaisa ang mga susi sa kaunlaran ng lipunan.
