Исроил гирифтори бадтарин дуқутбии иҷтимоӣ дар таърихи худ
Натиҷаи ин назарсанҷӣ, ки аввали феврал ҷамъоварӣ шудааст, тасвири нигаронкунанда аз ҷомеаи Исроилро ба тасвир мекашад. Бар асоси ин гузориш, танҳо 10% саҳюнистҳо ба Кнессет (парлумони Исроил) эътимод доранд, дар ҳоле ки ин рақам барои суди олӣ (қувваи қазоӣ) танҳо 41% ва барои кабинети вазирон (қувваи иҷроия) танҳо 15% аст. Шаковартарин қисми ин назарсанҷӣ ин аст, ки 34% аз ҷомеаи Исроил, яъне як сеюми аҳолӣ, ҳеҷ эътимоде ба ҳеҷ як аз ниҳодҳои расмии сегона (қувваи қонунгузор, иҷроия ва қазоӣ) надоранд.
Ин беэътимодӣ дар байни гурӯҳҳои гуногуни ҷомеаи Исроил низ ба равшанӣ дида мешавад. Масалан, танҳо 4% аз яҳудиёни тундраву мазҳабӣ (ҳаредиҳо) ба суд эътимод доранд, дар ҳоле ки ин рақам дар байни яҳудиёни секулор ба 54% мерасад. Ин тақсимот нишондиҳандаи ҷудоии ҷомеаи Исроил аст, ки асосҳои мазҳабӣ ва сиёсӣ дорад.
Ин назарсанҷӣ ҳамчунин нишон медиҳад, ки ҷомеаи Исроил дар дарки таҳдидҳои пеширӯи кишвар низ гирифтори тақсимоти амиқ аст. Дар ҳоле ки 65% аз ҳомиёни иттиҳоди ҳукмрон, таҳдидҳои амниятӣ ва низомиро асоситарин хатар барои Исроил медонанд, ҳомиёни мухолифин, дуқутбии иҷтимоиро бузургтарин таҳдид тавсиф кардаанд. Ин ихтилофи назар нишондиҳандаи умқи тақсимоти иҷтимоӣ ва сиёсӣ дар Исроил аст.
Янию Коҳен, раиси Маркази таҳқиқотии Тошлит, дар ин мавриди гуфт: “Кнессет ҳамчун ниҳоди қонунгузор ва интихобшудаи мардум, камтарин эътимодро нисбат ба қувваҳои сегона дорад. Аксарияти ҷомеа бар ин боваранд, ки ҳукумат рафтори Кнессетро дар қабзаи худ гирифтааст.”
Яке дигар аз ёфтаҳои муҳими ин назарсанҷӣ, беэътимодии васеъ ба истиқлоли Кнессет аст. 67% аз иштироккунандагони ин назарсанҷӣ бар ин боваранд, ки Кнессет зери назорати комили кабинаи вазирон қарор дорад. Ҳатто дар байни ҳомиёни иттиҳоди ҳукмрон, 49% ин назарро тасдиқ кардаанд, дар ҳоле ки ин рақам дар байни ҳомиёни мухолифин ба 82% мерасад.
Ин мавзӯъ нишон медиҳад, ки бисёре аз исроилиҳо бар ин боваранд, ки Кнессет ба ҷои намояндагӣ аз манфиатҳои миллӣ, дар хидмати ҳадафҳои ҳизбӣ ва сиёсӣ қарор гирифтааст. Дар ҳамин робита, 59% аз иштироккунандагони назарсанҷӣ эълон карданд, ки аъзои Кнессет бояд бар асоси манфиатҳои миллии Исроил овоз диҳанд, на бар асоси нишондиҳандаҳо ва ҳадафҳои ҳизбӣ.
Натиҷаи ин назарсанҷӣ тасвири нигаронкунанда аз ҷомеаи Исроилро ба тасвир мекашад. Беэътимодии васеъ ба ниҳодҳои ҳукмронӣ, тақсимоти амиқ дар дарки таҳдидҳо, ва ҷудоии ҷомеа бар асосҳои мазҳабӣ ва сиёсӣ, ҳама нишондиҳандаи бӯҳрони амиқ дар сохтори иҷтимоӣ ва сиёсии режими Исроил мебошанд.
Ин бӯҳрон на танҳо суботи дохилии Исроилро таҳдид мекунад, балки метавонад таъсироти васеъ бар сиёсати хориҷӣ ва амниятии ин режим низ дошта бошад. Дар шароите, ки Исроил бо чандин чолишҳои амниятӣ ва байналмилалӣ рубарӯ аст, ин дуқутбии иҷтимоӣ метавонад қобилияти ин кишварро барои муқобила бо ин чолишҳо ба таври шадид заиф кунад.
https://tajikpress.com/2025/02/15/
