Gasar Kur'ani Ta Kasa Da Kasa Ta Daliban Jami'a A Turkiya

Bangaren kasa da kasa, an fara gudanar da gasar karatun kur'ani mai tsarki ta duniya wadda ta kebanci daliban jami'a a yankin karabuk na kasar Turkiya.

Kamfanin dillancin labaran iqna ya habarta cewa ya nakalto daga shafin sadarwa na jaridar Alsabah cewa, wannan gasa an fara ta ne tun a ranar jiya Laraba.

Gasar tana samun halartar wakilai daga kasashen duniya daban-daban da suka hada da Iraki, Lebanon, Somalia, Jordan, Morocco, Yemen, Palastinu, Saudiyya, Masar, Syria, Chadi da Jibouti, wadanda adadinsu ya kai 112.

Za a kamala gasar ne a cikin mako mai kamawa, inda za a gudanar da taron karshe na rufe gasar tare da sanar da sunayen wadanda suka lashe gasar a dukkanin bangarorin da aka gudanar da ita.

3705265