Mu'amalar kasuwanci Tsakanin kasashen Musulmi Ta Haura Dala biliyan 322 A 2017
Kamfanin dillancin labaran iqna, Shafin yada labarai na Arab Alyaum ya bayar da rahoton cewa, ofishin kugiyar kasashen musulmi na OIC ya fitar da wani bayani a yau wanda a cikinsa ya bayyana cewa, kasuwanci tsakanin kasashen musulmia 2017 ya kai dala biliyan 322.2, wanda a cikin 2016 yana a dala biliyan 278.2 ne.
Bayanin ya kara da cewa, mu'amalar kasuwanci da ke tsakanin kasashen musulmi ta karfi a bangaren makamashi, ma'adanai, kayan abinci da makamantansu ne, inda a cikin shekara ta 2016 kasuwanci ya karu da kashi 18.7,a 2017 kuma ya karu da kashi 19.8.
Kasashen musulmi da suka fi tasiri ta fuskar kasuwanci a tsakanin kasashen musulmisu ne, Turkiya, Iran, Saudiyya, Malasiya, UAE, Indonesia, Masar, Oman, Iraki da kuma Pakistan, inda su ne suke da kashi 74.6 na dukkanin harkokin kasuwanci na kasashen musulmi.
