An Cire Wani Wasan Kwanfuta Na Cin Zarafin Musulunci Daga Shafukan Yanar Gizo
Tehran (IQNA) Kamfanin da ya kirkiro wasan kwamfuta na Call of Duty Vanguard ya bayyana cewa ya cire wani bangare na wasan da aka ci zarafin musulmi.
Shafin CNET ya bayar da rahoton cewa, bayan da aka wallafa hotunan cin mutuncin kur’ani mai tsarki a shafin Twitter a ranar Larabar da ta gabata, wanda mutane da dama suka bukaci a cire shi, kamfanin Activision wanda ya shirya wasan ya bayyana cewa zai gyara matsalar tare da ba da hakuri.
Mai magana da yawun kamfanin na Activision ya fada a cikin wata sanarwa cewa: “An yi kiran yin aikin ne ga kowa da kowa. Akwai bayanai masu mahimmanci ga al'ummar musulmi da aka yi kuskure a cikin wasan kuma yanzu an cire su daga wasan.
Kmafanin ya ce bai kamata hakan ya bayyana a cikin wasan ba, Muna ba da hakuri sosai kuma muna ƙoƙari kada mu bar irin waɗannan abubuwa su faru a nan gaba.
A wani bangare na taswirar Call of Duty Vanguard da ke sashen aljanu, an rika nuna wasu shafukan kur'ani mai tsarki.
