Za A Dakatar Da Aikewa Da Masu Ziyarar Umrah Daga Gaza
Awad Abu Mazkur, shugaban kungiyar kula da ofisoshin Hajji da Umrah a Gaza, ya sanar da cewa ma’aikatar kula da ayyukan Hajji da Umrah a Gaza ta sanar da ofisoshin Hajji da Umrah cewa za a dakatar da aika aika zuwa Umrah bayan ranar 30 ga Maris.
Da yake karin bayani kan ya bayyana cewa, har yanzu ba a bayyana dalilin daukar matakin ba, ya ce: “Wadanda aka aika yau da wadanda za a aika gobe 28 da 29 ga Maris, tafiyar tasu tana nan daram”.
Rukunin farko na masu niyyar Umrah a Gaza sun tashi zuwa Saudiyya a ranar 14 ga Maris, 2022, bayan dakatar da hakan shekaru biyu saboda takunkumin Corona, sun bi ta Mashigar Rafah suka tashi zuwa Masar.
A wani rahoton kuma a yau ne ‘yan sahayoniya 253 suka shiga masallacin Al-Aqsa ba bisa ka’ida ba inda suka gudanar da ibadar Talmud a lokacin da suke sintiri a wurin.
Daga cikin wadannan sahyoniyawan har da daliban cibiyoyin addini na Attaura.
Shugaban kungiyar malaman Palasdinawa Nasim Yassin ya jaddada a yau a wajen taron Palastinawa da ake gudanarwa a Gaza cewa: Malaman al'ummar kasar sun tsaya tsayin daka wajen nuna adawa da shirin gwamnatin mamaya kan masallacin Al-Aqsa.
