Haramta hijabi a ofisoshin gwamnati na kasashen Turai ya zama doka
Kamfanin dillancin labaran reuters ya habarta cewa, kotun kolin kungiyar tarayyar turai ta yanke hukuncin cewa kasashe mambobin kungiyar za su iya haramtawa ma’aikatansu sanya tufafin da ke nuna akidar addini da suka hada da lullubi.
Kotun Turai ta yanke hukuncin hana hijabi bayan wata mata ‘yar kasar Belgium ta shigar da kara kan cewa karamar hukumar da take aiki ta keta ‘yancinta na addini inda ta ce mata ba za ta iya sanya hijabi a wurin aiki ba. Kotun ta kara da cewa ya kamata a takaita irin wadannan ayyuka ga abin da ya zama dole.
Batun saka hijabi na Musulunci ya dade yana ta cece-kuce a kasashen Turai tsawon shekaru. A shekarar 2021, kotun ta ce za a iya korar mata musulmi daga aiki saboda sun ki cire hijabi a bainar jama'a.
Kungiyar kare hakkin bil adama da musulmi ta Majalisar Dinkin Duniya CAIR, ta yi kira ga ma'aikatar harkokin wajen Amurka da ta yi Allah wadai da hukuncin da Tarayyar Turai ta yanke na bai wa masu daukar ma'aikata damar hana ma'aikata sanya alamomin addini, musamman hijabin Musulunci. .
CAIR ta yi imanin hukuncin da kotun ta yanke ya dace da ma'anar take hakkin addini na Amurka International Religious Freedom Act (IRFA) don haka ya bada garantin yin Allah wadai da gwamnatin Amurka.
Abraham Hooper daraktan sadarwa na CAIR a cikin wata sanarwa da ya fitar ya ce: Kotun Turai ta keta ka'idojin 'yancin addini ta hanyar hana mata musulmi sanya hijabi a wurin aiki. Wannan hukunci da hukunce-hukuncen da suka gabata a kasashen turai a fili suna yiwa musulmi hari da kuma neman kawar da bayyanar Musulunci daga wuraren da jama'a ke taruwa.
