Kotun kolin Saudiyya ta bukaci a duba jinjirin watan Ramadan da yammacin Juma'a
Kamfanin dillancin labaran SPA ya habarta cewa, kotun kolin kasar ta Saudiyya ta yi kira ga al’ummar musulmi da su himmatu wajen ganin jinjirin watan Ramadan a yammacin ranar Juma’a 29 ga watan Sha’aban shekara ta 1446, daidai da 28 ga watan Fabrairun shekara ta 2025 miladiyya.
Kotun kolin ta bukaci wadanda suka ga jinjirin watan da ido tsirara ko kuma da na’urar daukar hoto da su sanar da kotu mafi kusa ko kuma cibiyar da ta dace domin su taimaka wajen rubuta shaidarsu.
Ita ma wannan hukuma ta Saudiyya ta gayyaci mutanen da suka sami damar ganin jinjirin wata da su shiga cikin kwamitocin ganin jinjirin wata domin su yi tarayya a cikin ladan hakan, domin wannan hadin kai ya kasance don kyautatawa da takawa da kuma amfanar dukkan musulmi.
A Jamhuriyar Musulunci ta Iran idan aka yi la'akari da ganin jinjirin watan Ramadan a yammacin ranar Juma'a 29 ga watan Shabanul Mu'azzam, idan aka ga jinjirin wata a yammacin ranar Juma'a, watan Sha'aban na shekara ta 1446 zai cika kwanaki 29, kuma ranar Asabar ta farko ta Ramadan za ta kasance. Idan ba a ga jinjirin wata ba da yammacin Juma'a bisa kalandar, Sha'aban 1446 zai cika kwana 30, Lahadi kuma ita ce farkon watan Ramadan.
