Baje kolin hotunan yara na Gaza a gaban majalisar dokokin Jamus
IQNA - Kungiyar kare hakkin bil'adama ta kasa da kasa "Afaz" ta gudanar da wani baje koli mai taken "Hotunan yaran Gaza" a gaban ginin majalisar dokokin Jamus (Bundestag) da ke birnin Berlin don jawo hankalin jama'a game da bala'in jin kai da ke ci gaba da faruwa a zirin Gaza.
A cewar cibiyar yada labarai ta Falasdinu, baje kolin wanda aka gudanar karkashin taken "Ku kalli Idon yaran Gaza" ya kunshi manyan hotuna 10 na kananan yara Palastinawa da yakin Gaza ya rutsa da su, wadanda aka baje kolin a kofar shiga majalisar dokokin kasar.
Tare da wadannan hotuna, alamu masu dauke da sakonni kamar su "Yara ne kawai" da "Shin za mu iya duba idanun yaran Gaza?" aka shigar.
Wasu 'yan kasar Jamus kuma sun nuna juyayinsu ga 'ya'yan Gaza da suka yi shahada ta hanyar ajiye kayan wasan yara kusa da wadannan hotuna.
