Ito ay ayon kay Leila Mazboodi, ang pinuno ng sangay ng Pranses ng telebisyong Al-Manar, na siya ring nagsabi sa IQNA na bunga ng mga hindi makatarungang patakaran ng mga bansa sa kanluran sa paglikha ng malaking takot sa Islam, ang mga kababaihang Muslim ay mas malapit sa mga atakeng pangkultura at sikolohikal.

Tinutukoy ang mga mamamahayag bilang mahalagang daan upang ipakilala ang mga kababaihang Muslim at iwaksi ang digmaang sikolohikal ng kalaban, hinimok niya ang lahat ng mga kababaihang Muslim na kalabaning maigi ang digmaang ito habang sumusunod sa mga Islamikong patakaran.

Nagsalita ukol sa tungkulin ng mga babaeng mamamahayag na Muslim sa lipunan, hinikayat niya ang lahatang Islamikong anyo, binibigyang diin na ang hijab ay siyang mahalagang palatandaan ng pagrespeto sa mga turo ng Islam.

Ito, sa isang banda, ay magpapakilala sa mga kababaihang Muslim hindi bilang mga nakatago sa lipunan kundi bilang mga mamamayang may mahalagang tungkuling panlipunan sa pagpapahayag, idinagdag niya.

Sa ibang dako ng kanyang pangungusap, sinabi niya na ang mga mamamahayag na Muslim ay kinakailangang maging aktibo sa lahat ng saklaw na panlipunan, pampulitika, pangrelihiyon at pangkultura sapagkat sinusunggaban ng mga kalaban ang bawat oportunidad upang pasamain ang karakter ng mga Muslim na babae. Kung kaya’t imbis na magpakita ng kahinaan at kapaguran, kinakailangang kalabanin nila ang mga pag-atake ng mga kalaban at ibunyag ang mga kasinungalingan ng mga ito.

Nagbigay din ng karagdagang pagtukoy si Ms. Mazboodi sa kahalagahan ng pagdadaos ng Seminar ng Mga Babaeng Mamamahayag ng Islamikong Mundo, pagdaragdag pa niya na habang ang seminar ay nagkaroon ng malawakang pandaigdigang paglalarawan sa mga pahayagan, pilit pa ring ikinakaila ng mga kalaban ang kanilang pagkatalo, kunuwa’y walang nalalaman sa mga pag-unlad ng mga babaeng Muslim at ang kanilang aktibong pagdalo sa lipunan.

Pagpupugay sa lahat ng mga kababaihang Muslim sa buong mundo, ang seminar na ito, higit sa lahat, ay naghahangad na patunayan ang mga kakayahan ng mga babaeng Muslim, tinatawagan ang lahat na tanggapin nila ang kanilang tungkulin sa mga mamamayan ng Palestine, Iraq at Afghanistan, pahabol na isinaad ni Ms. Mazboodi.

Nakiusap rin siya sa lahat ng mga babaeng Muslim na alamin ang opinyon ng madla at ipaalala sa mundo ang tungkol sa tunay na karakter ng mga babae sa Islam at ang kahalagahan ng kanilang mga aktibidad sa lipunan, kung saan sa pamamagitan nito ay maaari silang magbuo ng isang makatarungang lipunan na hinding-hindi sasang-ayon sa isang rehimeng Zionista.

Ang mga pinakamagagaling na mga babaeng mamamahayag galing sa Islamikong mundo ay binigyan ng parangal sa kauna-unahang Pandaigdigang Seminar ng Mga Babaeng Mamamahayag ng Islamikong Mundo na idinaos sa Tehran Musalla (bulwagan ng panalangin) noong ika-30 ng Oktubre.


685623