Ang Kurso sa Karbala ay Naglalayon na Pahusayin ang Kasanayan ng mga Hurado sa Paligsahan ng Quran
Ito ay inorganisa ng ‘Kagawaran ng Pag-aaral ng Quran ng Fatima bint Assad na kaakibat ng Kagawaran ng Kapakanan ng Kababaihan ng Astan (pangangalaga) ng banal na dambana ni Hazrat Abbas (AS), ayon sa ulat ni Al-Kafeel.
Ang layunin ng kurso ay ang pagpapaunlad ng propesyonal na mga kasanayan at pagsasanay sa babaeng mga hurado para sa mga paligasahan sa Quran. Nakatuon ito sa pagpapalakas ng mga kasanayan sa paghuhusga at pagpapataas ng kahusayan sa pagganap sa mga larangan ng pagpaplano, pagpapatupad, at mga pamamaraan ng paghuhusga.
Ang isa pang layunin ng kursong ito ay ang pagsisikap na makamit ang mas mataas na kalidad ng mga resulta sa proseso ng pagtuturo ng Quran at mga aktibidad pang-edukasyon na inorganisa ng kagawaran na ito sa buong taon.
Ang palatuntunan ay ginanap sa loob ng dalawang mga araw - tatlong oras na sesyon bawat araw - sa punong-tanggapan ng Kagawaran ng Pag-aaral ng Quran ng Fatima bint Asad at kinabilangan ng makabagong mga pamamaraan ng pagtuturo kasama ang iba't ibang mga indibidwal at panggrupong mga pagsasanay.
Hangad din ng mga palatuntunan sa kurso na bigyang kapangyarihan ang mga kalahok sa paglalapat ng aprubadong mga estratehiya sa paghukom sa pamamagitan ng pagsasama-sama ng kahusayan, interaksyon, at pagsasanay sa kasanayan.
Ang kurso ay nagtapos sa praktikal na mga pagsasanay at nakasulat na mga pagsusulit batay sa pinag-isa at inaprubahang mga regulasyon sa buong bansa na may layuning masuri kung paano nakinabang ang mga kalahok mula sa mga paksang pang-edukasyon, pag-isahin ang materyal na inilahad sa isipan ng mga kalahok, at tiyakin ang kanilang epektibong aplikasyon sa susunod na mga aktibidad.
Sa pamamagitan ng ganitong mga kurso, hangad ng Kagawaran ng Pag-aaral ng Quran ng Fatima Bint Asad na bigyang kapangyarihan ang mga kawani ng Quran, dagdagan ang bisa ng kanilang pagganap sa pagiging hukom, at turuan sila sa paglilingkod sa Quran alinsunod sa pinakamataas na pamantayan at akademikong kuwalipikasyon.
