Ikatlong Edisyon ng Internasyonal na Paligsahan ng Qur’an para sa mga Mag-aaral na Muslim sa Mashhad

Ayon sa pinuno ng Organisasyon ng mga Aktibidades para sa Qur’an ng mga Mag-aaral na taga-Iran, ang ikatlong edisyon ng internasyonal na paligsahan ay balak na isagawa para sa mga Muslim na mag-aaral sa pamantasan mula ika-9 hanggang ika-12 ng Enero sa banal na lungsod ng Mashhad.

Sinabi ni Isaa Alizadeh sa IQNA na itong edisyon ng paligsahan, gaya ng dalawang nakalipas na edisyon, ay ipinlano ng organisasyong kaanib ng Pamantasan ng Jihad sa pakikipagtulungan ng lalawigan ng Khorasan Razavi at ng iba pang mga instituto na pangkultura at ng Qur’an.

Ayon sa kanya, “Mga Muslim na mag-aaral mula sa higit na apat na pung bansa ang maglalaban-laban sa kategorya ng pagmememorya ng buong Qur’an at ang pagsasalaysay nito sa pangunahing bulwagan ng banal na lugar ni Imam Reza (pagpalain nawa siya ng Diyos).”

Ang unang edisyon ng paligsahan ay ginanap noong Abril 2006 sa pakikipagtulungan ng bayan ng Esfahan sa lungsod ng Esfahan. Ang Milad Tower naman ang punong-abala sa pangalawang edisyon noong 2008, na itinatag sa pakikipagtulungan ng bayan ng Tehran.



698103