Pangangatwiran sa Serbisyo ng Pag-uusap ng mga Relihiyon, Pamamaraang Ginamit ni Allamah Balaqhi

Ang paggamit ng pangangatwiran ang pinaka mabisang pamamaraan sa pananaw ni Allamah Balaqhi sa pagtataguyod ng pag-uusap ng mga iba’t ibang relihiyon, ayon sa isang eksperto sa Qur’an.

Hojat-ol-Islam Mohammad A. Mohammadi, miyembro ng lupon ng siyensya sa Sentro ng Pananaliksik para sa Islamikong Siyensya at Kultura, sa isang pakikipanayam sa IQNA ay nagpaliwanag ng ilang aspeto ng interpretasyon ni Allamah Balaqhi ng Qur’an, at sinabi niyang si Allamah ay kilala bilang isa sa mga nanguna na pasimulan ang pag-uusap ng iba’t ibang mga relihiyon dahil alam niya ang kaisipan ng iba’t ibang relihiyon. Kung sa gayon, madali niyang makita ang mga puntos na pangkaraniwan sa kanila.

Maraming aklat ang nailimbag ni Allamah Balaqhi bilang sagot sa mga pamumuna ukol sa Qur’an at ang pagiging ligtas nito sa anumang pagbabago. Sa kabilang dako, mariin din niyang iginiit ang paggamit ng lohika upang maabot ang konklusyon alinsunod sa sentido kumon.

Sinabi rin ni Mohammadi na sa pagpapaliwanag ni Allamah Balaqhi ng Qur’an ginamit niya ang mga Sunna at Hadith, pati na ang pangangatwirang pilosopiko at lohikal.
715225