Ang Pandaigdigang Paligsahan ng Qur’an ay Makakapatibay ng Ugnayan ng mga Mag-aaral na Muslim

 Ang pangatlong Pandaigdigang Paligsahan ng Qur’an para sa mga Mag-aaral na Muslim sa Mashhad ay maaaring makatulong sa pagpapalakas ng ugnayan ng mga mag-aaral na Muslim at maging daan sa paglikha ng isang malakas na pandaigdigang ugnayan ng mga mag-aaral na Muslim.

Ito ay ayon sa pinuno ng Islamikong Organisasyon para sa Kultura at Mga Ugnayan (ICRO) na si Dr. Mohammad Bagher Khorramshad na nagsabi na ang isang ugnayan ng mga mag-aaral ay maaaring makatulong sa pagtaguyod ng mga layunin ng Islamikong Republika ng Iran.

Tinuring din niya ang paligsahan na magandang paraan para pagyamanin ang kulturang ng Qur’an sa mundo at sinabing, “Ang mga mag-aaral sa pamantasan ay maimpluwensya sa lipunan. Ang kanilang pagdalo sa ganitong mga paligsahan ay makakapalapit sa kanila sa Qur’an, sa Islam at sa Islamikong Republika ng Iran. Ang mga ganitong paligsahan din ay makakapawaksi ng mga masasamang idea na ipinalalaganap ng Sandaigdigang Kayabangan laban sa Islam, Shi’ism at Iran.”

Ayon sa kanya ang mga bansang Syria, Saudi Arabia, Malaysia, Indonesia, Sudan at Ehipto, na may malaking potensyal sa Qur’an, ay maaaring magkaroon ng pakikipagtulungan sa Islamikong Republika ng Iran upang ipalaganap ang kultura ng Banal na Qur’an.

Binigyang diin ni Khorramshad na walang hindi gagawin ang Islamikong Organisasyon para sa Kultura at Mga Ugnayan sa pagsilbi sa Qur’an at sa pagsulong ng mga aktibidades ukol dito.


716835