Ang Pagbatikos Lamang ay Hindi Makakatulong sa mga Muslim sa Bahrain

Ang paglabas ng mga pahayag na nagbabatikos sa mga kasamaang ginagawa ng Al-e Saud at Al-e Khalifa sa Bahrain ay hindi makakatulong sa mga Muslim ng bansa na naghahangad na makatamo ng kanilang mga lehitimong karapatan, sinabi ng pinuno ng Kilusan sa Pagpapalaya ng Bahrain na si Abdul Rauf Shayeb sa IQNA.

Sinabi niya na ang mga mapangahas na krimeng ginagawa ng Al-e Saud at Al-e Khalifa ng Bahrain ay pagpatay ng lahi laban sa isang bansang naghahangad na makamit ang lehitimong karapatan sa pamamagitan ng mapayapang malawakang pagpapahayag.

Sinabi ng tagapagsalita ng Kilusang Pebrero 14 na ang mga krimeng ginawa ng mga rehimeng Al-e Saud at Al-e Khalifa ay kakila-kilabot gaya ng paglapastangan sa mga moske at mga sentrong pangrelihiyon at ang pag-insulto sa Sharia ng Banal na Propeta (N.P.S.K.S.P.) na nakakasakit sa mga damdamin ng lahat ng mga Muslim sa buong mundo.

Inulit ni Shayeb ang responsibilidad ng mga Islamiko at Arabong bansa hinggil sa Bahrain at sinabing ang mga bansang kanluran ay mayroon ring pananagutan sa mga kasamaang nagaganap sa Bahrain.

“Ang patuloy na paglapastangan sa mga kabanalan ng Islam ay resulta ng pakikihimasok ng Amerika at nangyayari dahilan sa pahintulot na binigay ng gobyerno ng Estados Unidos. Siguradong makikita ng mga opisyal ng Estados Unidos ang kalalabasan ng kanilang mga aroganteng patakaran laban sa mga naaaping tao ng Bahrain at ng iba pang mga bansa.

Hinimok ng pinuno ng kilusan ang iba pang mga pandaigdigang samahan para sa karapatang pantao na gumawa pa ng mga hakbang upang matulungan ang mga mamamayan ng Bahrain.783033