Pagplano ng mga Estratehiya upang Mapagtanto ang isang Naghihintay (Montazir) na Lipunan Itinampok

Ang pangunahing tungkulin ng isang pamahalaang naghahanda para sa muling pagpapakita ng tagapagligtas ay ang pagpaplano ng mga stratehiya at pamamaraan para maging ganap ang isang lipunang Montazir (naghihintay).

Ito ay ayon kay Hojat-ol-Islam Seyyed Masud Purseyyed Aghayi bilang sekretarya ng ika-7 na Pagpupulong sa Doktrina ng Mahdavi.
Sa kanyang panayam sa mga mamamahayag noong ika-1 ng Mayo, idinagdag niya na kinakailangang ang lahat ng mga miyembro ng lipunan ng Shia ay tumupad sa kanilang mga tungkulin at responisibilidad at isang-ayon ang lahat ng kanilang mga layunin, pakikipag-ugnayan at mga plano sa mga ganito ng tagapagligtas, Imam Zaman (nawa’y pabilisin ng Diyos ang kanyang pagdating).
“Sa katunayan, ang pagkakakilanlan ng isang Shiang pamahalaan at ang antas ng pagkalehitimo ng gobyerno ay nakabase sa kung gaano nagsusubok na mapatupad ang mga tungkulin nito tungkol dito at kung gaano ito katagumpay sa pagpaplano ng mga estratehiya at pamamaraan upang mapatanto ang isang Montazir (naghihintay) na lipunan.”
Ayon sa kanya, sa bilang ng mga estratehiya, kinakailangang ang pangunahing bigyan ng pansin ay ang pangkultura at ang papel ng mga mamamahayag ang pinakamahalaga.

Sa ibang bahagi ng kanyang pananalita, tinukoy ni Hojat-ol-Islam Purseyyed Aghayi ang Doktrina ng Mahdavi bilang walang katapusang lakas ng purong Islam na siyang kinasasabikan ng mundo.
Ang ika-pitong Pandaigdigang Pagpupulong sa Doktrina ng Mahdavi ay gaganapin sa Hulyo 14-15 sa bulwagan ng IRIB sa Tehran, kung saan ang mga pala-isip na taga-Iran at mga taga-ibang bansa ay inaanyayahang magsumite ng mga papel sa ikabubuti ng pagpupulong.
“Ang mga paksa sa pagpupulong ngayong taon ay ang paghahanda ng daan tungo sa muling pagbabalik ng tagapagligtas, ang papel ng mga mamamahayag sa paghahanda sa muling pagbabalik ng tagapagligtas at ang mga estratehiya at pamamaraan sa pagpapatibay ng daan sa muling pagbabalik ng tagapagligtas,” idinagdag pa niya.


785115