Ang Kaunlaran ng Lipunan ay Batay sa Pagsulong Naaayon sa mga Turo ng Qur’an

Ayon sa Ministro ng Edukasyon ang kaunlaran ng isang lipunan ay nakabatay sa kung gaano katagumpay ang isang lipunan sa pagsulong ayon sa mga turo ng Banal na Qur’an at sa Seerah ng mga Infallible (A.K.A.M.)

Nagsalita si Hamid Reza Hajibabaie noong Lunes sa mosoliem ni Imam Khomeini sa harap ng mga gurong Baseej upang muling ipakita ang katapatan sa mga pangarap ng yumaong tagapagtatag ng Islamikong Republika ng Iran.

Ang pagdiriwang ay ginanap sa anibersaryo ng pagkakapaslang kay Morteza Motahhari na ideniklarang Araw ng mga Guro sa Iran.

Tinukoy niya ang dakilang katayuan ng mga guro sa Islam at sinabing “ang pinakadakilang katangian ng ating relihiyon ay lahat ng ating mga pinuno ay mga guro.”

Binigyang-diin niya na ang pinuno ng isang lipunang base sa Islam at Qur’an ay kinakailangang isang guro.

Sa ibang dako ng kanyang pananalita sinabi ni G. Hajibabaie na ang pinakadakilang karangalan ng Islamikong Rebolusyon ng Iran ay ang katunayang si Imam Khomeini (r.a.), na isang kaapu-apuhan ng Banal na Propeta (N.P.S.K.S.P.), ang namuno nito tungo sa tagumpay. Inulit niya ang binigkas ni Imam Khomeini (r.a.) na “Ang susi sa kaunlaran ng bawat bansa ay nasasa kamay ng mga guro.”

“Ito ang nagsasabi sa atin na ang anumang ipinagmamalaki ng isang lipunan ay bunga ng mga ginagawa ng mga guro sa paaralan,” patuloy niyang sinabi.



785512