Hinimok ng Pinuno ng IR ang mga Mamamahayag na Huwag Magpahiwatig ng Tensyon

Sinabi ng Pinuno ng Islamikong Rebolusyon Ayatollah Seyyed Ali Khamenei noong Linggo na hindi dapat magpahayag ng mga ulat ang mga opisyales na pampulitika at pangkultura, pati na ang mga peryodista at mamamahayag sa kompyuter, na hihimok ng kawalan ng kapayapaan sa lipunan.

Nagbigay ng pahayag si Ayatollah Khamenei sa isang pagpupulong na kasama ang Ministrong Panloob Mostafa Mohammad-Najjar at ang grupo ng mga komander at opisyal ng mga Puwersa ng Pagpapatupad ng Batas.

Binigyang pansin ng Pinuno ng IR na ang pagkakaroon ng seguridad, lalung-lalo na ang moral at pangkaisipang seguridad ng lipunan ang isa sa mga pangunahing tungkulin ng mga mamamahayag, peryodista, grupo at mga indibidwal.

Binigyang diin din ni Ayatollah Khamenei na ang kasalukuyang kalagayan sa bansa ay mapayapa at mayroong magandang kasiglahan ang mga tao kung kaya’t hindi dapat gumawa ang mga mamamahayag at pahayagan ng mga pag-uulat na magpapahiwatig na walang kapayapaan sa lipunan.
“Ang kasalukuyang kapayapaan sa lipunan at ang pagkabatid ng mga tao tungkol sa kanilang mga layon ay dahil lamang sa Kabaitan ng Makapangyarihang Diyos,” idinagdag niya.
780988