Kinakailangang Maglaan ang Pamahalaan ng 0.5% ng Pondo nito para sa mga Aktibidades para sa Qur’an

 Inubliga ng mga miyembro ng Majlis (Pakonsultang Kapulungan ng Islam) ang pamahalaan na maglaan ng 0.5% ng pondo ng bawat sangay para ipalaganap ang mga aktibidades ng Qur’an.

Sa pagtalakay ng panukalang-batas ukol sa badyet ng piskal na taong 2011 – 2012, inaprubahan ng mga mambabatas ng Iran ang artikulo sa panukalang-batas kung saan ang mga sangay ng gobyerno na pambansa at pangprobinsya ay kinakailangang maglaan ng 0.5 na porsyento ng kanilang pondo bawat taon para sa mga aktibidades na nauukol sa Qur’an.

Ito ay ginawa ayon sa Pribilehiyo para sa Pag-unlad ng Kulturang Pang-Qur’an na pinahintulutan ng Kataas-taasang Konseho ng Rebolusyong Pangkultura.

Ayon sa isang artikulong ipinasa ng Majlis, ang pondong ito para sa Qur’an ay kinakailangang gastahin alinsunod sa mga patnubay, prayoridad at polisiya ng Konseho ng Pagpapaunlad ng Kultura ng Qur’an. Ang kawani ng pangulo para sa pangangasiwa ng pagpaplano at estratehiya ay kinakailangang mag-ulat sa Majlis at sa Konseho ng Pagpapaunlad ng Kultura ng Qur’an kung papaano iginasta ang pondo.


784224