Kumpetisyon sa Qur’an para sa mga Seminaryo Nagtatapos sa Iraq
Ang Pambansang Sentro ng Qur’anikong mga Agham na nauugnay sa Tanggapan ng Awqaf (pagbibigay) ng Iraqi Shia sa banal na lungsod ng Najaf ay nag-organisa ng kumpetisyon sa pakikipagtulungan sa Sentro ng Banal na Qur’an ng Astan (katiwala) ng banal na dambana ng Imam Ali (s.k.n.k.).
Natapos ang kumpetisyon noong Enero 26 at ang mga nagwagi ay inihayag ni Ali Al-Sattar Al-Khafaji, pinuno ng lupon ng mga hukom ng kumpetisyon.
Si Marwan Awad Jihad, Riyadh Mohsin at Ali Qasim ay nanalo ng una hanggang ikatlong ranggo ayon pagkasunodsunod sa kategorya ng pagsasaulo.
Ang tatlong mga nanalo sa pagbigkas na kategorya ay sina Mohammad Zaleef, Ahmad Abbas Rahima at Wasam Abdulkarim Hajin.
Mahusay na umunlad ang Qur’anikong mga gawain sa Iraq mula nang naibagsak noong 2003 ang dating diktador na si Saddam Hussein.
Nagkaroon ng lumalagong takbo ang mga programang Qur’aniko katulad ng mga kumpetisyon, mga sesyon ng pagbigkas at mga programang pang-edukasyon na ginanap sa bansa nitong mga nakaraang taon.
