Kayamanang Qur’aniko sa Museo ng Banal na Dambana ng Hazrat Abbas (AS)
TEHRAN (IQNA) - Ang museo ng mga manuskrito ng Astan (katiwala) sa Banal na Dambana ng Hazrat Abbas (AS) sa Karbala, Iraq, ay isang kayamanan ng mahalagang mga gawa, kabilang ang bihirang mga kopya ng Qur’an.
Ayon sa Al-Kafeel website, ito ang unang museo ng natatanging mga manuskrito na binuksan ng Astan sa banal na lungsod.
Inilunsad iyon noong 2009 sa anibersaryo ng kaarawan ng Hazrat Zaynab (SA).
Ang ilan sa mahalagang mga kopya ng Banal na Qur’an sa museo ay kabilang ang:
- Ang isang Mushaf na nauugnay kay Imam Sajjad (AS), mula pa noong unang siglo A.H.
Ang mga talata sa kopya ng Qur’an na ito ay isinulat sa balat ng hayop sa sulat-kamay ng Kupik. Ang bawat pahina ay 37 cm. sa 26.5 cm.
- Ang isang Mushaf na nauugnay kay Ibn Al-Bawab, mula pa noong ikalimang siglo A.H.
Ang mga taludtod ay nasa sulay-kamay ng Thuth na ginto at ang mga puwang ay nasa Kupik. Ang bawat pahina ay 16.5 cm. sa 21.75 cm.
- Ang isang tomo ng Mushaf na sumasaklaw sa 30 na mga pahina, na may isang kumpletong Juz (bahagi) ng Banal na Qur’an na nakasulat sa bawat pahina sa sulat-kamay ng Naskh. Ang bawat linya ay nagsisimula sa Alif (letra A) at ang mga pahina ay 32 cm. sa 21.5 cm.
