Museo ng Buhay ng Propeta (SKNK), Islamikong Kabihasnan sa Madina
TEHRAN (IQNA) – Ang Pandaigdigang Tanghalan at Museo ng Buhay ng Propeta (SKNK) at Islamikong Kabihasnan ay pinasinayaan sa seremonya sa Madina, Saudi Arabia, noong Pebrero 2.
Matatagpuan sa tabi ng Masjid ng Propeta, ang museo ay nakatuon sa kasaysayan ng mundong Islamiko at ang buhay ni Propeta Muhammad (sumakanya nawa ang kapayapaan).
Ang ilang bilang ng mga opisyal, kabilang si Faisal bin Salman, gobernador ng Madina, ay dumalo sa pagdaraos na ginanap upang ilunsad ang museo, na pinamamahalaan sa ilalim ng pangangasiwa ng Samahang Pandaigdigan ng Muslim [Muslim World League (MWL)].
