Binatikos ng OIC ang Pagkabigo ng UNSC sa Pagtigil ng Pagsalakay ng Israel Laban sa mga Palestino
Ang pambihirang pagpupulong ng OIC sa antas ng panlabas na mga ministro ay naisagawa sa birtuwal noong Linggo.
"Ang kabiguan ng Sangguniang Pangseguridad ng Nagkakaisang mga Bansa (UN Security Council) na ihinto ang pananalakay ng Israel ay mangangailangan sa paglapit sa Pangkalahatang Pagtitipon ng Nagkakaisa na mga Bansa (UN General Assembly) upang gampanan ang pananagutan nito, kasama na ang pagpapatuloy ng paglilitis ng Ika-Sampung Kagipitan na Sesyon na Espesyal upang ihinto ang pagsalakay ng Israel sa Sinakop na Teritoryo ng Palestino," sinabi ng pahayag sa paksa doon sa pagtapos ng pagpupulong.
Hinimok ng pahayag na ang pamayanan na pandaigdigan na gumawa ng mga hakbang patungo sa pagtatanggol sa mga mamamayang Palestino at tiniyak na "dumating na ang panahon upang gumawa ng seryosong mga hakbang upang mapanagot ang Israel sa malalaking mga paglabag nito".
Inulit din nito na ang Masjid Al-Aqsa ay "isang pulang linya para sa Islamikong Ummah (sambayanan)" at ang seguridad at katatagan ay maisasakatuparan lamang iyon sa panahon na ganap na napalaya mula sa pananakop ng Israel, iniulat ng Ahensiya ng Anadolu.
Ang pahayag ay tinapos sa pamamagitan ng pagsaludo sa "katatagan ng mga mamamayang Palestino sa kanilang lupain at para sa kanilang makasaysayang paninindigan sa harap ng pananalakay at pananakop ng [Israel]".
Binombahan ng Israel ang Gaza Strip sa pamamagitan ng himpapawid na mga pagsasalakay mula Mayo 10, pinatay ang hindi bababa sa 197 na katao, kabilang ang 34 na mga kababaihan at 58 na mga kabataan, pati na rin nasugatan ang higit sa 1,235 na katao.
Labing-pitong mga Palestino din ang napatay sa West Bank sa pamamagitan ng mga puwersang Israel at dayuhang mga naninirahan habang nagsasagawa ng mga protesta ang mga Palestino laban sa mga paglabag sa Israel sa sinakop na Silangang Jerusalem al-Quds at pagsalakay sa Gaza.
Mula noong Abril 13, sumiklab ang sagupaan sa sinakop na mga lupain dahil sa mga pagsasalakay at mga paghihigpit ng Israel sa mga Palestino sa Silangang Jerusalem al-Quds, Masjid Al-Aqsa, at pagpasiya ng hukuman ng Israel na paalisin ang 12 mga pamilyang Palestino mula sa kanilang mga tahanan na pabor sa dayuhang mga naninirahan ng Israel.
