Ang Nujaba ng Iraq ay Pinuri ang Iran sa Pagbibigo sa Kilos ng US na Pandarambong

TEHRAN (IQNA) – Pinuri ng tagapagsalita ng kilusang paglaban ng al-Nujaba ng Iraq ang Islamikong Republika ng Iran dahil sa kamakailan lamang ay nabigo ang pagkilos ng US ng pandarambong sa Dagat ng Oman.

Si Nasr al-Shammari sa isang tweet na nanawagan sa mga bansang Muslim sa rehiyon na sundin ang halimbawa ng matapang na pag-uugali ng Islamikong Republika, ayon sa Pag-uugnayan at Media na mga Kapakanan ng al-‎Nujaba sa Iran.

Binigyang-diin niya na ang muling pagkuha ng Iranianong barko na may lulang langis (tanker) mula sa mga magnanakaw na Amerikano ay nagpakita ng dignidad ng Islam at mga Muslim.

Pinuri ni Al-Shammari ang awtoridad ng Islamikong Republika at binigyang-diin, “Ang matapang na pamamaraan na ito ay isang magandang paraan upang pigilan ang pagsalakay ng mga Amerikano; Barbarismo na nagbabanta sa mga pamantayan na pandaigdigan at isang kawalang-galang sa soberanya ng mga bansa sa rehiyon.”

Bilang konklusyon, nanawagan siya sa lahat ng malayang mga tao sa mundo, lalo na sa mga bansang Muslim sa rehiyon, na ilagay sa agenda ang katulad na mga pamamaraan ng Islamikong Republika ng Iran kung sakaling may anumang dayuhang puwersa na lumabag sa soberanya at kalayaan ng kanilang bansa.

Ang Islamic Revolution Guards Corps (IRGC) ng Iran noong Miyerkules ay naglabas ng video ng paghaharap nito noong nakaraang buwan laban sa isang aksyong pandarambong ng US na pinupuntarya ang isang Iranianong barko na lulang langis. Naganap ang pangyayari noong Oktubre 25.

Sa panahon ng pangyayari, kinumpiska ng mga puwersang Amerikano ang tanker na barko na may dalang kargamento ng langis ng Iran sa estratehikong Dagat ng Oman, na inilipat ang kargamento nito na krudo sa isa pang barko.

Ang IRGC pagkatapos ay nagsagawa ng isang karagatang operasyon laban sa pangalawang sasakyang-dagat, inilapag ang mga helikopter nito sa deck nito at naglalawig ang barko patungo sa tubig ng Iran.

Pagkatapos, hinabol ng mga puwersa ng US ang barkong may lulang langis (tanker) gamit ang ilang mga helikopter at mga barkong pandigma, ngunit ang kanilang pagtatangka ay nauwi sa kabiguan matapos ang mapagpasyahan at matatag na aksyon ng IRGC.

Muling sinubukan ng mga puwersang Amerikano na hadlangan ang landas ng barkong may lulang langis gamit ang mas maraming puwersa at karagdagang mga barkong pandigma, ngunit ang kanilang pagtatangka ay nauwi muli sa kabiguan.

Ang barko na may lulang langis (tanker) ay nasa teritoryal na tubig ng Iran sa kasalukuyan.

3476344