Isinasagawa ang mga Paligsahan sa Pagsaulo ng Qur’an sa Iraq Kasama ang 63 na Babaeng mga Kalahok
May kabuuang 63 na babaeng mga tagapagsaulo ng Quran mula sa Iran, Iraq, Saudi Arabia at Lebanon ang lumahok sa kaganapang pinamagatang "Umm Abeeha".
Ang kaganapan ay inorganisa ng Sentrong Qur’aniko ng Umm Abeeha na kaanib sa Malaking Moske ng Kufa sa pakikipagtulungan ng pandaigdigang sentro para sa pagtataguyod ng Qur’an na kaakibat sa sangay ng Ahvaz ng Astan ng Imam Hussein (AS).
Ayon kay Seyyed Adel al-Yaseri, tagapangalaga ng Sentro ng Umm Abeeha, ang kumpetisyon ay gaganapin sa okasyon ng anibersaryo ng kapanganakan ng Hazrat Zahra (SA).
Ang kaganapan ay inorganisa sa onlayn gamit ang aplikasyon ng Telegram bilang tumatakbong plataporma, idinagdag niya.
Ang kumpetisyon ay nagsimula noong Miyerkules sa isang onlayn na seremonya na dinaluhan ng mga awtoridad ng Malaking Moske ng Kufa at ng Astan ng Imam Hussein (AS).
Ang layunin ng kaganapan ay hikayatin ang babaeng mga tagapagsaulo ng Qur’an na ipagpatuloy ang tamang landas ng Qur’an gayundin ang sanayin ang mga guro ng Qur’an.
Ang lupon ng mga tagapaghatol ay binubuo ng mga dalubhasa mula sa Iran at Iraq na susuriin ang Waqf at Ibtida (paghinto at pagsimula), Tajweed, at Lahn (ritmo) ng mga kalahok.
