Ang mga Muslim ng Ukraine ay Tutol sa Paglahok ng Chechnya sa Pagsalakay ng Russia
Kasunod ng mga ulat at mga larawan na nagpapakita ng presensya ng mga puwersang Chechen sa Ukraine upang tulungan ang mga tropang Ruso sa kanilang operasyong militar sa bansa, sinabi ng mga sentro at mga lipunang Muslim na Ukrainiiano na hindi nila bubuksan ang kanilang mga pinto upang magbigay ng pagkain at tirahan para sa kanila, iniulat ng Al-Jazeera.
Sinabi nila na wala silang nakikitang pagkakaiba sa pagitan ng mga puwersang Ruso at Chechen at itinuturing silang lahat na mga mananakop.
Bago magsimula ang pagsalakay ng Russia, ilang mga institusyong Islamiko sa Ukraine ang nagpahayag ng kanilang pagtutol sa pamamaraan ng Pangulo ng Chechen na si Ramzan Kadyrov at ng kanyang mga mandirigma, na nagsasabing ang kanilang pamamaran ay hindi alinsunod sa mga simulaing Islamiko at mga halaga ng kagandahang-loob.
Ayon sa isang batang Muslim na Ukrainiano, ang mga Muslim ng bansa ay bahagi ng lipunan at ang pagtatanggol sa lupain ng kanilang bansa ay isang pambansa at panrelihiyong tungkulin.
Ang Pangulo ng Russia na si Vladimir Putin noong Huwebes ay nagpahayag ng paglunsad ng isang operasyon upang maalis ang tinatawag niyang seryosong banta sa kanyang bansa, na binanggit ang pangangailangan na "hindi maging nazi" ang Ukraine at inaakusahan ang sinusuportahan sa Kanluran na pamumuno nito ang pagpuksa ng mga tao laban sa mga nagsasalita ng Russo sa silangang Ukraine.
Sinabi ng pinuno ng rehiyon ng Chechnya ng Russia at kaalyado ni Putin na ang mga mandirigmang Chechen ay pinakalat sa Ukraine, at hinimok niya ang mga Ukrainiano na ibagsak ang kanilang pamahalaan.
Sa isang video na nai-post onlayn noong Sabado, ipinagmalaki ni Kadyrov na ang mga yunit ng Chechen sa ngayon ay hindi natalo at sinabing madaling makuha ng mga puwersang Ruso ang malalaking mga lungsod ng Ukraine kabilang ang kabisera, Kiev, ngunit ang kanilang gawain ay upang maiwasan ang pagkawala ng buhay.
