Tinatanggihan ng Denmark ang Planong Pagbawal ng Hijab sa mga Paaralan
Ito ay inihayag ng Ministro ng Imigrasyon ng Denmark na si Kaare Dybvad Bek bilang tugon sa isang panukala mula sa pinakakanang Partido ng mga Tao sa Denmartk para sa parliyamento na pagtataluhan ang pagbabawal sa hijab sa mga paaralan.
Habang ang Denmark ay nahaharap sa "seryosong mga hamon na may negatibong pamamahala sa lipunan at pang-aapi sa kabataang mga babae sa ilang tiyak na kapaligiran", ang naturang pagbabawal ay labag sa batas ng Denmark, sinabi ng ministro, iniulat ng The Local."Ito ay ang legal na pagtatasa na ang panukala na ipagbawal ang Islamikong mga talukbong sa ulo sa pangunahing mga paaralan ay hindi maaaring ipatupad sa loob ng balangkas ng Konstitusyon at pandaigdigan na mga obligasyon ng Denmark," isinulat niya.
“Samakatuwid, hindi maaaring suportahan ng gobyerno ang panukala. Ngunit gayunpaman, patuloy nating lalabanan ang pamimilit at pang-aapi na may kaugnayan sa karangalan at negatibong pamamahala sa lipunan," sinabi rin ng ministro.
Ang kapasiyahan ngayon ay naglalagay ng tanong sa katayuan ng gobyerno sa mga rekomendasyon ng Komisyong Danish para sa Nakalimutang Pakikibaka ng Kababaihan, isang katawan na itinatag ng dating gobyerno ng Denmark.
Ayon sa ulat ng komisyon, ang "paggamit ng mga talukbong sa paaralang elementarya ay maaaring lumikha ng paghahati sa pagitan ng mga bata sa dalawang mga grupo - 'tayo' at 'sila'".
Kasabay ng pagbabawal sa hijab, gumawa ang komisyon ng iba pang mga rekomendasyon kabilang ang pagbibigay ng mga kurso sa wikang Danish, pagtataguyod ng makabagong mga gawi sa pagpapalaki ng bata sa mga pamilyang etnikong minorya, at pagpapalakas ng edukasyong sekswal sa elementarya na mga paaralan.
Ang panukalang pagbabawal sa hijab na ito ay nagdulot ng pagsalungat sa Denmark, dahil ilang libong mga tao ang pumunta sa kalye ng Copenhagen upang iprotesta ang panukala.
Ang Islam ang pinakamalaking relihiyong minorya ng Denmark. Ayon sa World Population Review na inilathala noong 2019, 313,713 na mga Muslim ang nakatira sa Denmark, o humigit-kumulang 5.40% ng populasyon.
Itinuturing ng Islam ang hijab bilang isang obligadong batas ng pananamit, hindi lamang isang simbolo ng relihiyon na nagpapakita ng mga kaugnayan ng isang tao.
Sa isang surbey na isinagawa ng Voxmeter sa ngalan ng Ahensiya ng Balita na Ritzau, 56.1 sa mga tinanong ang nagsabing 'hindi' sa pagbabawal sa hijab sa mga paaralan.
Isang makabuluhang mas mababang proporsyon na 28.2 na porsiyento ang nagsabi ng 'oo' sa naturang pagbabawal habang 15.7 na porsiyento ang sumagot ng 'hindi alam'.
