Malugod na Tinatanggap ng Filipinong mga Muslim ang Bagong Hakbang para Mapahusay ang Digital na Makamtan ang mga Korte ng Shariah
Ang mga Muslim ay bumubuo ng higit sa 6 na porsyento ng halos 110 milyong populasyon ng Pilipinas, karamihan sa kanila ay nakatira sa isla ng Mindanao at kapuluan ng Sulu sa timog ng bansa, at sa gitnang-kanlurang lalawigan ng Palawan.
Ang mga mambabatas sa Kapulungan ng mga Kinatawan ng Pilipinas ay nagkakaisang inaprubahan noong Lunes ang iminungkahing batas na House Bill 9045, na naglalayong bigyan ang Pilipinong mga Muslim ng mas mahusay na makamtan ang mga korte ng Shariah at "nagbibigay ng daan para sa pagbabago ng digital ng mga serbisyo sa hukuman ng mga korte ng Muslim."
Sa ilalim ng panukala, papayagan ang Pambansang Komisyon sa Muslim na mga Filipino (National Commission on Muslim Filipinos) — ang katawan na namamahala sa mga kapakanan ng Muslim sa Pilipinas — na magproseso ng mga dokumento para sa mga Muslim na Filipino na naninirahan sa mga rehiyon kung saan walang pisikal na mga korte ng Shariah.
"Tinatanggap ng NCMF ang positibong pag-unlad na ito," sinabi ng tagapagsalita ng NCMF na si Yusoph Mando sa Arab News sa isang pahayag.
“Karamihan sa mga suki sa walk-in na natatanggap namin ay nangangailangan ng interbensiyon ng korte. Kaya naman, ang pagdidigital na ito ng mga paglilingkod ng korte ng Shariah ay lubos na makakatulong sa ating mga nasasakupan na nakatira sa mga lungsod at mga komunidad na walang malapit na mga korte ng Shariah. Talagang magbibigay ito ng pantay na makamtan ang hustisya sa lahat."
Ang NCMF, sa pamamagitan ng Tanggapan ng mga Kapakanang Legal nito, ay kailangang makipag-ugnayan sa Korte Suprema at Kagawaran ng Impormasyon at mga Ugnayang Teknolohiya upang lumikha ng digital na plataporma para sa walang papel na paghahain ng nakagawiang mga dokumento, katulad ng mga sertipiko para sa kasal, kapanganakan, at kamatayan.
Ngunit bago maipasa ang panukalang batas upang maging batas, ang panukalang regulasyon ay kailangang makakuha din ng pag-apruba mula sa Senado ng Pilipinas.
"Nagpapasalamat kami sa Kongreso, lalo na sa mga may-akda ng panukalang batas, sa pagbibigay ng kapangyarihan sa ating Tanggapan ng mga Kapakanang Legal sa pagpapatupad ng mandato nito para sa proteksyon at pangangalaga sa mga karapatan ng mga Muslim na Pilipino sa buong bansa," sabi ni Mando.
"Inaasahan namin ang katapat ng panukalang batas sa Senado at ang tuluyang pagpasa nito sa batas."
