Namatay na ang Matataas na Taga-Lebanon na Shia Iskolar na si Ayatollah Ali Al-Kourani
Ipinanganak noong Nobyembre 22, 1944, sa Yatar Nabatieh, Lebanon, si Sheikh Ali Mohammad Qasim Kourani Yatari al-Amili ay huminga ng kanyang huling hininga sa edad na 79 dahil sa atake sa puso sa banal na lungsod ng Qom, Iran.
Lumaki sa isang pamilyang magsasaka, nabigyang-inspirasyon siya ni Ayatollah Seyyed Abdul Hossein Sharafuddin na ituloy ang pag-aaral sa panrelihiyon. Sa ilalim ng gabay ni Sheikh Ibrahim Suleiman, kinuha niya ang kanyang unang mga aralin at sa murang edad na labing-apat. Lumipat siya sa lungsod ng Najaf noong 1958.
Doon, nag-aral siya ng pambungad at masulong na mga aralin sa kilalang mga iskolar katulad nina Muhammad Taqi Faqih, Seyyed Alaa Bahr ul-Uloom, Sheikh Baqir Irwani, at Seyyed Mohammad Baqir Hakim. Lumahok din siya sa mga aralin sa Kharij nina Ayatollah Seyed Abu al-Qasim al-Khoei at Martir Ayatollah Seyyed Mohammad Baqir al-Sadr.
Mula noong kalagitnaan ng 1960, nagsilbi si Kourani bilang kinatawan ng ilang Shia na mga marja, kabilang si Ayatollah Khoei, sa Iraq at Kuwait.
Ang kanyang pangunahing mga aktibidad ay nakadirekta laban sa Partido ng Baath ng Iraq at sa mga ideolohiya ng komunismo. Bumalik siya sa Lebanon noong 1974.
Kasunod ng Rebolusyong Islamiko, lumipat si Ayatollah Kourani sa Iran at inilaan ang kanyang oras sa pagsasaliksik ng mga hadith ng Islam tungkol kay Hazrat Mahdi (nawa'y madaliin ng Diyos ang kanyang pagdating), ang kasaysayan ng pagtitipon ng Quran, ang kahulugan ng mga salita ng Quran, ang buhay ng Propeta (SKNK), ang kasaysayan ng Shia na mga Imam, at pagpuna sa mga ideya ng Wahhabi.
Sa suporta ni Ayatollah Mohammad-Reza Golpaygani, binuo niya ang unang komprehensibong programa sa kompiyuter sa mundong Islamiko, na kinabibilangan ng 3,000 na mga aklat at pinalawak sa 4,700 na mga tomo. Nang maglaon, sa suporta ni Ayatollah Seyed Ali Sistani, itinatag niya ang "Al-Mustafa Center for Religious Studies" para sa pananaliksik sa pag-iisip ng Islam.
Pinasimulan din niya ang isang database na tinatawag na Ahl al-Bayt Library, na alin naglalaman ng humigit-kumulang pitong libong mga aklat mula sa Shia at Sunni na mga pinagmumulan.
Simula noong 1998, nagsimulang lumahok si Kourani sa mga onlayn na debate at mga talakayan sa mga iskolar mula sa iba't ibang mga relihiyon, partikular na ang mga mula sa tradisyon ng Wahhabi. Sa paglipas ng panahon, nagsimula siyang magpunong-abala ng tanong-at-sagot na mga sesyon sa wikang Arabik sa telebisyon, na alin makabuluhang nagpapataas ng kanyang katanyagan sa mundo ng Arab.
Nag-iwan si Kourani ng mayamang pamana ng mga gawa sa larangan ng relihiyon at Mahdismo. Kabilang sa kanyang pinakakilalang kontribusyon ay ang mga aklat na "Epoch of Appearance" at "The Lexicon Substantive Ahadith of Imam Mahdi".
Si Sheikh Ali al-Kourani ay isang kasama ni Martir Seyyed Mohammad Baqir al-Sadr at isang aktibong miyembro ng Partidong Dawa.
Si Kourani ay lubos na aktibo sa parehong pampulitika at panlipunang mga larangan. Siya ay naging instrumento sa pagtatatag ng mga moske, mga Husayniyya, at isang ospital sa Beirut.
Si Kourani ay tinarget ng pagpatay ng Partido Baath. Siya ay binaril sa ulo nang malapitan, ngunit himalang tumama ang bala sa kanyang bungo, at siya ay nakaligtas. Nanatili ang bala sa kanyang katawan, na nagsisilbing matinding paalala ng mga krimen na ginawa ng mga Baathista.
