Pribadong Dalampasigan para sa Kababaihang Muslim na Binalak sa Isla ng Boracay ng Pilipinas
Ito ay magiging mas inklusibo pagkatapos nitong ilunsad ang dalampasigan sa Setyembre 10.
Alinsunod sa Department of Tourism (DOT) ng bansa, ang pribadong dalampasigan na nakalaan para sa paggamit ng mga babaeng Muslim ay matatagpuan sa loob ng Boracay Newcoast zone na pinamamahalaan ng kompanya ng real estate na Megaworld.
Ayon kay DOT pandalawang ministro para sa mga Gawaing Muslim na si Myra Paz Valderrosa-Abubakar: "Ang ilang mga Muslim ay maaaring lumangoy sa publiko, ngunit ang iba ay mas gustong lumangoy sa isang mas pribadong lugar."
Ang Inisyatiba sa turismong Islamiko ay dati nang iminungkahi ng dayuhang mga diplomat na nakabase sa Pilipinas, kabilang ang mga embahador ng Malaysia at Brunei.
Ipinaliwanag ni Valderrosa-Abubakar na nagkaroon ng pagpupulong kasama ang alkalde ng Boracay kung saan binanggit ng mga opisyal ng turismo ang pangangailangan ng pribadong lugar para sa mga Muslim na bumibisita sa isla.
Sinabi niya: "Sinabi [ng alkalde] na maghahanap siya ng isang lugar at ginawa namin ang mungkahi sa oras dahil ang Megaworld ay may isang lugar sa baybayin [sa Boracay Newcoast] na maaaring gawing isang pribadong dalampasigan para sa mga kababaihang Muslim."
Matatagpuan sa hilagang-silangan na bahagi ng isla, ang Boracay Newcoast ay tahanan din ng Savoy Hotel na alin isa sa iilang mga establisyemento sa bansa na nakakuha ng Halal na sertipikasyon sa kusina.
