Sinabi ng Punong-abala na Malawak na Pandaigdigang Manonood ang Nakuha ng Iranianong Programang Quraniko na Mahfel
“Ang malawak na epekto ng Mahfel TV na Palabas ay malinaw na ngayon sa antas na pandaigdigan,” sinabi ni Ahmad Abolqassemi, isang kinikilalang Iraniano na qari sa buong mundo, sa isang panayam ng IQNA.
“Sa kasalukuyan, iilan na lamang sa mga bansang Islamiko, at maging sa ilang hindi Islamiko, ang hindi nakarinig tungkol sa programang ito. Napakalinaw at damang-dama ang mga epekto at puna kaya hindi na kailangan ng mahabang paliwanag, dahil malinaw na nakikita ang impluwensiyang ito sa mga paglalakbay sa ibang bansa (sa pamamagitan ng punong-abala ng mga programa) at pakikipag-ugnayan sa mga pamayanang Quraniko,” dagdag niya.
Kilala sa pagpapakita ng mga pagbasa ng Quran at pagsusulong ng mga aral ng Islam, ang Mahfel TV na Palabas ay isang iginagalang na Iranianong mga serye ng telebisyon na pinahahalagahan ng mga manonood sa buong mundo.
Ipinapalabas ito sa TV 3 channel ng IRIB bago ang paglubog ng araw araw-araw tuwing banal na buwan ng Ramadan, na nagbibigay ng espirituwal na pahinga para sa mga manonood habang sila’y naghahanda na magbukás ng kanilang pag-aayuno.
Na ang pangunahing pokus ay ang Quran, nilalayon ng programa na pagyamanin ang maiikling sandali ng pahinga para sa mga nag-aayuno sa pamamagitan ng makabuluhang mga talakayan at nakakaakit na pagbasa.
Binigyang-diin ni Abolqassemi ang abot ng programa sa ilang mga rehiyon. “Sa maraming mga bansa sa Aprika, kabilang ang Tanzania na may kasaysayang Quraniko, kilala ng relihiyosong komunidad ang Mahfel. Hindi ito limitado sa Aprika. Sa mga bansang Islamiko na may malaking populasyon katulad ng Pakistan at Bangladesh, napakalawak din ng manonood ng programa.”
• Iraniano na mga Qari Nagsagawa ng Quranikong Kaganapan para sa Khoja na mga Shia sa Tanzania
Nagbigay siya ng malawak na pagtataya ng manonood. “Marahil maaari nating sabihing may kumpiyansa na 80 hanggang 90 porsyento ng mga bansang Islamiko ay nakapanood ng Mahfel,” sabi niya. “Kung sa kabuuang populasyon, ang mga istatistika ng bilang ng manonood ng programang ito sa labas ng Iran ay hindi mas mababa kaysa sa loob ng bansa.”
Nagbahagi si Abolqasemi ng mga anekdota upang ilarawan ang lawak ng programa. “Sa Afghanistan, nakilala pa kami ng mga opisyal ng paliparan at pinapasok kami nang hindi humihingi ng anumang porma o pormal na proseso. Napakainteresante nito para sa amin,” sabi niya. “Sa paliparan sa Kenya, isang bansang hindi Islamiko, nakita kami ng taong namamahala sa pagbibigay ng mga bag ng pasahero, sumigaw siya sa matinding kasabikan, at naalala ang Mahfel. Ang ganitong mga halimbawa ay malinaw na nagpapakita ng pandaigdigang katayuan ng programang ito at nagpapahiwatig na ang impluwensiya nito ay lumampas na sa hangganan ng mundong Islamiko.”
Iniuugnay niya ang tagumpay ng programa sa dalawang pangunahing mga salik: ang talento ng Iranianong mga mambabasa at isang estratehikong kampanya sa digital media. “Ang Mahfel ay naging isang pangunahing Quranikong media na panlabas ngayon,” sabi ni Abolqassemi. “Ang dahilan ng tagumpay na ito ay dapat hanapin sa dalawang mga bagay. Una, ang atraksyon ng mga gawaing Quraniko at ang walang kapantay na talento ng Iraniano mga mambabasa at mga magsasaulo, na huwaran sa pandaigdigang antas. Pangalawa, ang mahalagang pagsisikap ng koponan ng media ng programa, na gumawa ng espesyal na gawain sa digital na espasyo ngayong taon. Isinalin ang Mahfel sa limang mga wika at inilathala sa pandaigdigan na media at mga himpilan na panlipunan, kabilang ang YouTube. Dahil dito, maraming mga tao sa buong mundo na walang direktang makamtan sa Iranianong telebisyon ang nakasubaybay dito sa onlayn.”
• Pinalakas ng Mahfel TV na Panlabas ang Pagmamahal ng mga Tao sa Quran
Batay sa estratehiyang ito, nagbigay siya ng tiyak na bilang ng manonood. “Kung nais nating magbigay ng tumpak at mapagkakatiwalaang istatistika, madali nating masasabi na mahigit 100 milyong mga tao sa labas ng Iran ang nakapanood ng Mahfel,” dagdag ni Abolqassemi. “Ang bilang na ito ay kumakatawan sa isang pambihirang tagumpay para sa isang Quranikong programa sa media.”
Ipinunto rin ng punong-abala na binabago ng programa ang pandaigdigang pananaw tungkol sa Iran. “Noon, may ilang mga tsismis sa mundong Islamiko na ang mga tao sa Iran ay hindi kilala ang Quran. Minsan pa nga ipinakilala kami bilang isang bansang malayo sa Quran. Ngunit ngayon, dahil sa pagsasagawa ng ganitong mga programa, nagbago na lahat ng mga pananaw na ito,” sabi niya.
“Sa tuwing may Iranianong mambabasa o magsasaulo na lumalabas at nagbabasa ng Quran, napapansin ng mga tagapakinig na ang isang bansang katulad nito ay hindi maaaring hindi Quraniko,” pagpapatuloy ni Abolqassemi. “Ang pagtuturo ng ganitong dami ng mga talento sa Quran ay hindi posible sa pamamagitan lamang ng mga salawikain at propaganda. Ito ay resulta ng maraming mga taong pagsisikap, edukasyon, at tunay na pagbibigay-pansin ng mga tao sa Banal na Quran.”
Higit pa niyang inilatag ang tagumpay ng programa bilang isang kasangkapan ng Quranikong diplomasya, na nagsabing, “Ngayon sa mundong Islamiko, kayang tugunan ng Quran ang maraming mga pangangailangan. Ang tiwala na natagpuan ng ibang mga bansa sa mga Iraniano ay resulta ng ganitong mga programang Quraniko. Ang pagtitiwalang ito ay mas lalo pang lumakas nitong nakaraang mga taon, at ang mga pangkultura na palitan ay magpapatuloy nang may higit na lakas.”
• Quranikong Diplomasya Pangunahing Kasangkapan Para Makamit ang Ummah Wahida: Hepe ng ICRO
Inilarawan ni Abolqassemi ang Mahfel bilang isang malaking tagumpay para sa Islamikong Republika ng Iran. “Ito ay simula pa lamang ng landas, at dapat nating hintayin ang mas malalawak na bunga at epekto nito,” sabi niya. “Ang mga yamang-tao na ito ang magiging pinakadakilang tagumpay ng Mahfel. Sa kanilang presensiya, sa tulong ng Diyos, isang maliwanag na kinabukasan ang naghihintay sa Quraniko na komunidad ng Iran.”
