Naaprubahan sa Portugal ang Panukalang Batas ng Malayo sa Kaliwang Partido na Ipinagbabawal ang Pagsusuot ng mga Belo sa Mukha
Iminungkahi ito ng malayo sa kanang partidong Chega at nakatuon laban sa mga burqa at mga niqab na isinusuot ng mga kababaihang Muslim.
Ayon sa panukalang batas na inaprubahan ng parlyamento noong Biyernes, ang multa para sa pagsusuot ng belo sa mukha sa publiko ay mula 200 hanggang 4,000 euro ($234–$4,670). Ang sinumang mapatunayang pinilit ang iba na magsuot nito ay maaaring makulong ng hanggang tatlong mga taon.
Papayagan pa rin ang pagsusuot ng belo sa mukha sa mga eroplano, mga gusaling diplomatiko, at mga lugar ng pagsamba. Ayon sa mga ulat ng lokal na media, tatalakayin na ngayon ang panukalang batas sa komiteng pangparlyamento sa Mga Usaping Konstitusyonal, mga Karapatan, mga Kalayaan, at mga Garantiya – ang lupon na responsable sa pagsusuri ng mga batas na may kinalaman sa konstitusyon.
Kapag naisabatas, ilalagay nito ang Portugal sa hanay ng mga bansang Uropiano kagaya ng Pransiya, Austria, Belgium, at Netherlands, na mayroon nang ganap o bahagyang pagbabawal. Maaaring i-veto pa rin ni Pangulong Marcelo Rebelo de Sousa ang panukalang batas o ipadala ito sa Korte Konstitusyonal para sa pagsusuri.
Sa sesyon ng parlyamento noong Biyernes, hinarap si Andre Ventura, lider ng Chega, ng ilang babaeng mga mambabatas mula sa mga partidong kaliwa na tumutol sa panukala, ngunit ito ay naipasa dahil sa suporta ng koalisyong sentro-kanan.
“Ngayon, pinoprotektahan natin ang mga babaeng kasapi ng
parlyamento, ang inyong mga anak na babae, ang ating mga anak na babae, mula sa posibilidad na isang araw ay mapilitang magsuot ng mga burqa sa bansang ito,” sabi ni Ventura.
Sa isang post sa X, isinulat niya: “Isang makasaysayang araw ito para sa ating demokrasya at para sa pangangalaga ng ating mga halaga, pagkakakilanlan, at karapatan ng kababaihan.”
Si Andreia Neto, isang mambabatas mula sa namumunong Social Democratic Party, ay nagsabi bago ang botohan: “Ito ay isang talakayan tungkol sa pagkakapantay-pantay ng kalalakihan at kababaihan.”
“Walang babae ang dapat mapilitang tabunan ang kanyang mukha.” Dalawa sa sampung mga partido sa parlyamento ang hindi bumoto – ang People-Animals-Nature party at ang Together for the People party, ayon sa mga ulat ng lokal na media.
Ipinahiwatig ng mga partidong ito na ang panukala ay nag-uudyok ng diskriminasyon. Tanging maliit na bilang lamang ng mga babaeng Muslim sa Uropa ang nagtatakip ng kanilang mga mukha, at sa Portugal, napakabihira ng ganitong kaugalian.
Ngunit ang mga takip-mukha kagaya ng mga niqab at mga burqa ay naging kontrobersyal na isyu sa buong Uropa, dahil may ilan na naniniwalang sumasagisag ito sa diskriminasyong pangkasarian o maaaring magdulot ng banta sa seguridad at dapat ipagbawal.
