ایکنانیوز راپور  راکړ،د اهل سنتو په معتبرو کتابونو او سرچینو کې په تیره بیا په حدیثي سرچینو کې، لکه صحیح بخاري او صحیح مسلم کې، د حضرت فاطمة زهرا (س) لوړ مقام د هغو روایتونو له لارې څرګند شوی چې د هغه بې‌ساری منزلت، د هغه د غوسې او خوښۍ تړاو د رسول الله (ص) له غوسې او خوښۍ سره، او همدارنګه د مؤمنو ښځو د سردارئ ځېری بیانوي.

حجت‌الاسلام سیدهادي صالحي د دغو روایتونو په څېړلو سره د حضرت فاطمة زهرا (س) د فضیلتونو بېلابېل اړخونه او د هغې د مقام او دریځونو پر حجیت ئې دلالت څېړلی دی.

حجت‌الاسلام سیدهادي صالحي په دغې مرکې کې د اهل سنتو په معتبرو کتابونو او سرچینو کې د حضرت فاطمة زهرا (س) د فضیلتونو په اړه نقل شویو روایتونو ته په اشارې سره وویل: هغه حدیثونه چې په هغو کې راغلي دي: «فاطمة بضعة مني، فمن أغضبها أغضبني» (فاطمه زما د وجود یوه ټوټه ده، هر څوک چې هغه په غوسه کړي، زه یې په غوسه کړی یم)، د حضرت فاطمة زهرا (س) د ځانګړي مقام او د هغې د خبرو او دریځونو د حجیت څرګندونه کوي. له همدې امله، د هغې خوښي، غوسه او اعتراض یوازې د یوې شخصي مسئلې په چوکاټ کې نه شي ارزول کېدلی.

د دغې مرکې ځيني برخط ستاسو خدمت ته هم وړاندې کووو

ایکنانیوز ورڅخه وپوښتل ،د اهل سنتو په معتبرو سرچینو کې د حضرت فاطمة زهرا (س) مقام او حجیت په اړه ستاسو څه نظر دی؟ هغه هم په ځواب کې ووئيل؛

د حضرت فاطمة زهرا (س) فضیلتونه او مناقب یوازې د شیعیانو په کتابونو پورې محدود نه دي، بلکې د اهل سنتو په معتبرو سرچینو کې هم د دې بې‌سارې مېرمنې ګڼ شمېر لوړ او ارزښتناک فضیلتونه نقل شوي دي.

له قرآن کریم وروسته د اهل سنتو تر ټولو لوړ او معتبر حدیثي کتابونه صحیح بخاري او صحیح مسلم دي. له دغو دوو کتابونو وروسته د حدیثو  څلور نور کتابونه، یعنې سنن ترمذي، سنن ابن ماجه، سنن ابي‌داوود او سنن نسائي راځي، چې د دغو شپږو کتابونو ټولګې ته «صحاح سته» ویل کېږي.

د دواړو جهانونو د مېرمنو، حضرت فاطمة زهرا سلام‌الله‌علیها فضیلتونه په همدغو سرچینو کې نقل شوي دي؛ هغه هم داسې لوړ او ځانګړي فضیلتونه چې د هغې بې‌ساری مقام څرګندوي.

هغه همداراز په صحیح بخاري کې د حضرت فاطمة زهرا (س) د مقام او ځائيګی په باب هم ووئیل؛  صحیح بخاري چې د محمد بن اسماعیل بخاري (وفات: ۲۵۶ هـ ق) تألیف دی، له قرآن کریم وروسته د اهل سنتو له مهمو او معتبرو حدیثي کتابونو څخه شمېرل کېږي.

بخاري د «فضائل الصحابه» په کتاب کې د حضرت فاطمه (س) د مناقبو لپاره ځانګړی باب پرانیستی دی.

د پام وړ ټکی دا دی چې بخاري هر کله د حضرت فاطمة زهرا (س) نوم اخلي، د «علیهاالسلام» عبارت کاروي، نه د «رضي الله عنها» عبارت.

دا تعبیر د حضرت فاطمه (س) په اړه په روایتونو کې د پام وړ دی؛ ځکه بخاري همدا عبارت د حضرت مریم علیهاالسلام په اړه هم کاروي او د حضرت فاطمه (س) لپاره ئې هم کارولی دی.

https://iqna.ir/fa/news/4387786