Беш аз ҳазор донишманд хостори поён додан ба ишғолгарии Исроил шуданд
Ба гузориши хабаргузории сайти Mina News, беш аз ҳазор равоншинос ва асабшинос аз саросари ҷаҳон бо имзои як номаи саркушода аз режими ҷинояткор ва кӯдаккуши Исроил хостори эҳтиром ба қавонини байналмилалии башардӯстона ва поёни ишғолии Ғазза ва Каронаи Бохтарӣ шудаанд.
Дар ин нома, ки рӯзи 3 декабр нашр шуд, ҳамчунин хостори оташбаси фаврӣ дар Исроил, Фаластин ва Лубнон шудааст.
Миёни имзокунандагони нома Май Брет Мозер ва Эдвард Мозер аз Норвегия ва барандаи ҷоизаи Нобел Сусуму Тонгава аз Ҷопон ҳастанд.
Ҳарчанд дар ин нома амалиёти анҷомдодаи Ҳамос дар 7 октябри соли 2023 низ маҳкум шудааст, аммо ҳамчунин гуфта мешавад, ки номутавозунии қудрат миёни ду тараф хеле рӯшан аст.
Дар ин нома аз ҷомеъаи ҷаҳонӣ хостори фишор ба режими ҷинояткор ва кӯдаккуши саҳюнистӣ барои таваққуфи ҷанг аст ва омадааст: Мо мехоҳем фишори қавии байналмилалӣ бар Исроил барои қатъи ҷанг, аз ҷумла қатъи фурӯши силоҳи таҳоҷумӣ ба режими ҷинояткор ва кӯдаккуши Исроил ва бознигарии мушорикатҳои иқтисодӣ ва ҳамкорӣ бо сохторҳо ва муассисаҳои режими ҷинояткори Исроил дар қаламравҳои ишғолшуда, ки тибқи қонунҳои байналмилалӣ ғайриқонунӣ мебошанд.
Ҷонибҳои имзокунанда инчунин аз тамоми инсоният дар кишварҳои мухталиф даъват карданд, ки устувор, қатъӣ, бидуни хушунат ва сулҳҷӯёна истодагарӣ кунанд ва хушунат алайҳи ҳама ғайринизомиёнро сарфи назар аз миллат, дин, нажод, мансубияти сиёсӣ ва фарҳангӣ маҳкум кунанд.
Онҳо инчунин аз ҳукуматҳои мухталиф даъват карданд, ки барои сулҳ дар Фаластин ва Лубнон талош кунанд, ба қонунҳои байналмиллалии башардӯстона эҳтиром гузоранд ва ба истилоҳо хотима диҳанд.
Мо инчунин талаб мекунем, ки муассисаҳои мо озодии академиро комилан риоя кунанд ва аз озодии баён тибқи қонун истифода баранд, гуфта мешавад дар нома.
https://iqna.ir/00HqPm
