Попи Франсис даргузашт
Ба гузориши манобеи хабарӣ, Попи Франсис, ки номи аслии ӯ Хорхе Марио Берголио буд, аз соли 2013 ҳамчун дусаду шасту шашумин Папа хидмат мекард.
Ӯ аввалин Папа аз қитъаи Амрико, аввалин узви тариқаи иезуитҳо ва аввалин Поп аз баъди Папа Григорийи III дар асри ҳаштум буд, ки аз Аврупо набуд.
Берголио 17 декабри соли 1936 дар Буэнос-Айрес, Аргентина, дар оилаи аҷдоди итолиёӣ таваллуд шудааст. Пеш аз ин ки Поп шавад, ӯ аз соли 1998 архиепископи Буэнос-Айрес буд ва дар соли 2001 аз ҷониби Поп Иоҳанни Павлуми II ба мансаби кардиналӣ расид.
Попи Франсис бо зиндагии содда, таъкид ба адолати иҷтимоӣ ва ҳимоя аз камбағалон машҳур буд. Ӯ ба ҷои зиндагӣ дар қасри папӣ, дар хонаи сода дар Ватикон зиндагӣ мекард ва аксар вақт бо василаҳои нақлиётии ҷамъиятӣ дар Аргентина рафту омад мекард.
Попи Франсис бо мушкилоте чун мавҷудияти фасодҳои ахлоқӣ дар калисо рӯбарӯ шуд ва дар соли 2019 ҷаласаи ҷаҳониеро барои баррасии таҷовузи ҷинсӣ аз ҷониби кашишон баргузор кард.
Ӯ дар соли 2023 маросими дафни Поп Бенедикти XVI-ро роҳбарӣ кард ва аввалин Поп буд, ки чунин маросимеро барои пешинаи худ баргузор намуд.
Мавзеи Поп дар қиболи Ғазза
Попи Франсис дар даврони раёсати худ борҳо аз касоне, ки аз ҷанг ва гуруснагӣ ранҷ мебаранд ва ҳамчунин афроди фақир ҳимоят кардааст ва баъзеҳо ба ӯ лақаби «Попи мардум» додаанд.
Поп борҳо хостори қатъи ҷанг дар Ғазза ва қатъи ҷиноятҳои саҳюнистӣ алайҳи миллати Фаластин шуда буд. Ӯ соли гузашта ва дар авҷи ҷиноятҳои режими саҳюнистӣ дар Ғазза, вазъияти башардӯстона дар онҷоро «бисёр хатарнок ва шармовар» унвон карда буд.
https://iqna.ir/fa/news/4277597
