Баргузории ҳалқаҳои Қуръонии бонувон дар Масҷидулҳаром+акс

Идораи баргузории ҳалқаҳо ва нишастҳои Қуръонӣ дар Масҷидулҳаром хабар додааст, ки як давраи тобистонаи омӯзиши ҳифз ва тиловати Қуръон махсус барои бонувон дар ин масҷид оғоз шудааст.

Ба гузориши ИҚНО ба нақл аз Shahdnow, ин давраи Қуръонӣ се қисмро фаро мегирад: омӯзиши ҳифз (ёдгирии Қуръон), такрори оятҳо ва омӯзиши қироат.

Қисмати махсуси занона дар ин идора бар ин давра назорат мекунад ва масъули омодакунии дарсҳо ва фаъолияти амалӣ аст. Шумораи ҳалқаҳои Қуръонии ин давраи тобистона 60 адад аст ва зиёда аз 1500 зан дар ин нишастҳо иштирок карда, аз барномаҳо истифода бурдаанд. Устодон ва муаллимаҳои варзида, ки дар хондани Қуръон таҷриба доранд, ин дарсҳоро пеш бурдаанд. Ин барнома як қисми кору хизматрасонии шӯъбаи динӣ дар Масҷидулҳаром аст, бо ҳадафи хидмат ба Қуръони Карим.

Ҳадафи дигари ин давра ин аст, ки таъсири дарсҳои исломиро зиёд кунанд ва рисолати ду масҷиди муқаддас — Масҷидуннабӣ ва Масҷидулҳаром — дар паҳн ва омӯзонидани Қуръон ба гурӯҳҳои мухталифи занон иҷро шавад.

 

4295105