Поп аз масҷиди кабуди Истанбул боздид мекунад
Ба гузориши ИҚНО, ба нақл аз рӯзномаи Daily Sabah, манобеи Ватикан рӯзи душанбе эълон карданд, ки нахустин сафари хориҷии Поп Лео XIV ҳамчун роҳбари Калисои католик ба шаҳри Изник (Ниқеяи қадим) дар Туркия анҷом хоҳад шуд.
Ин Попи 70-солаи амрикоӣ пеш аз сафар ба Лубнон, ба Туркия меравад.
Изник, ки дар шимолу ғарби Туркия ҷойгир аст, яке аз маконҳои таърихии муҳим мебошад, ки Шӯрои Ниқея — яке аз машваратҳои бузурги таърихии калисои ортодоксӣ — дар он баргузор шуда буд.
Папа рӯзи 28 ноябр (7 озар) бо чархбол ба он ҷо меравад, то дар наздикии вайронаҳои калисои қадимаи Сент Неофитус дуои кӯтоҳе бихонад.
Ҳадафи асосии ин сафар — ҷашни 1700-солагии таъсиси Шӯрои Ниқея мебошад, ки дар таърихи масеҳият як нуқтаи муҳими тағйир ба шумор меравад. Поп мехоҳад дар канори Патриарх Бартоломей I, раҳбари маънавии масеҳиёни ортодокси ҷаҳон, дуо кунад ва бар талошҳо барои таҳкими равобит байни ду калисо таъкид намояд.
Лео ҳамчунин аз масҷиди кабуди Истанбул (масҷиди Султон Аҳмад) дидан хоҳад кард, вале бар хилофи Попҳои гузашта, аз Айя София — калисои қадимаи Византия, ки баъдан ба масҷид табдил дода шудааст — боздид нахоҳад кард.
Тибқи барномаи сафар, сафари Поп аз 27 ноябр то 2 декабр (6 то 11 озар) идома меёбад ва Туркия ва Лубнонро дарбар мегирад. Маркази аслии ин сафар — мулоқот бо уламои динӣ, баррасии вазъи масеҳиён дар Ховари Миёна ва масоили минтақавӣ хоҳад буд.
Ин сафар ҳамчунин дидорҳои расмӣ бо раҳбарони Туркия ва Лубнон, баргузории маросими ибодат ва вохӯриҳо бо рӯҳониёни маҳаллӣ-ро дар бар мегирад.
4313291
